മോനേ നിന്നെപ്പോലെ ഈ ഏട്ടനും ഒരിക്കൽ കരഞ്ഞിട്ടുണ്ട് …..ആ കണ്ണീരാണ് പിന്നീടുള്ള യാത്രയ്ക്ക് ഇന്ധനമായത്..

കുഞ്ഞുവിദ്യാര്‍ഥിയായ ക്വാഡന്‍ കരഞ്ഞ് കൊണ്ട് തനിക്ക് കൂട്ടുകാരില്‍ നിന്നും ഏല്‍ക്കേണ്ടി വന്ന പരിഹാസത്തെ സങ്കടത്തോടെ പറയുന്ന വീഡിയോയാണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്. ഇപ്പോൾ ഇതാ കുഞ്ഞിന് പിന്തുണയുമായി നടന്‍ ഗിന്നസ് പക്രു.

മോനേ നിന്നെപ്പോലെ ഈ ഏട്ടനും ഒരിക്കൽ കരഞ്ഞിട്ടുണ്ട് …..ആ കണ്ണീരാണ് പിന്നീടുള്ള യാത്രയ്ക്ക് ഇന്ധനമായത് …നീ കരയുമ്പോൾ …നിന്റെ ‘അമ്മ തോൽക്കും ………ഈ വരികൾ ഓർമ്മ വച്ചോളു . “ഊതിയാൽ അണയില്ല ഉലയിലെ തീ ഉള്ളാകെ ആളുന്നു ഉയിരിലെ തീ” ഇളയ രാജ. ഇത്തരത്തിൽ വേദനിക്കുന്നവർക്കായി എന്‍റെ ഈ കുറിപ്പ്’ ഗിന്നസ് പക്രു ഫേസ്ബുക്കിൽ കുറിച്ചു.

തന്‍റെ കൂട്ടുകാര്‍ തന്നെ കുള്ളന്‍ എന്ന് വിളിച്ച് കളിയാക്കുകയാണെന്നും തനിക്ക് ഒരു കയറ് തരുമോ ഒന്നു കൊന്നുതരുമോയെന്നും ചോദിക്കുന്നത് വീഡിയോയിൽ കാണാം.
മകന്‍റെ സങ്കടം തങ്ങളുടെ കുടുംബത്തെ വല്ലാതെ വേദനിപ്പിക്കുന്നുവെന്നും ഇത്തരത്തിലുള്ള കളിയാക്കലുകൾ ഒരു കുഞ്ഞിനെ എങ്ങനെയാണ് തകര്‍ക്കുന്നതെന്ന് മനസ്സിലാക്കണമെന്നും വീഡിയോ പങ്കുവെച്ചുകൊണ്ട് ക്വാഡന്‍റെ അമ്മ യരാഖ ബെയില്‍സ് കുറിച്ചിരുന്നു. നിരവധി പേരാണ് ട്വിറ്ററില്‍ ഈ വീഡിയോ പങ്കുവെച്ചിരിക്കുന്നത്

GUINNES PAKRU