ഗോമതിപ്രിയയുടെ കഷ്ടപാട്; ഭാഗ്യം തേടിയെത്തിയത് റബേക്കയ്ക്ക്; ഇത് പ്രിയയുടെ അധ്വാനമാണ്; വലിച്ചുകീറി സോഷ്യൽ മീഡിയ!!
By
തുടക്കം മുതൽ തന്നെ ആരാധകരുടെ മനസ്സ് കീഴടക്കിയ ചുരുക്കം പരമ്പകളിലൊന്നായിരുന്നു ഏഷ്യാനെറ്റിൽ ഇപ്പോഴും റേറ്റിങ്ങിൽ മുന്നിട്ട് നിൽക്കുന്ന ചെമ്പനീർ പൂവ്. അതിന് കാരണം ആകട്ടെ പരമ്പരയിലെ ജോഡികൾ തന്നെയായിരുന്നു. സച്ചിയായി എത്തിയ അരുൺ ഒളിമ്പ്യനും രേവതിയായി എത്തിയ ഗോമതി പ്രിയയും തമ്മിലുള്ള ജോഡി ആരാധകർ നിമിഷനേരം കൊണ്ടാണ് ഏറ്റെടുത്തത്.
സാന്ത്വനം സീരിയലിലെ ശിവനും അഞ്ജലിയും കഴിഞ്ഞാൽ മിനിസ്ക്രീൻ പ്രേക്ഷകർ ഏറ്റെടുത്ത മറ്റൊരു നടിയും നടനും ഉണ്ടോ എന്ന് ചോദിച്ചാൽ അതിനുള്ള ഉത്തരം കൂടിയാണ് ചെമ്പനീർ പൂവിലെ സച്ചിയും രേവതിയും. റിയലിസ്റ്റിക് ആയിട്ടുള്ള അവരുടെ അഭിനയം തന്നെയാണ് ആരാധകരെ ഈ പരമ്പരയ്ക്ക് മുന്നിൽ പിടിച്ചിരുത്തിയത്.
സംപ്രേഷണം തുടങ്ങി മാസങ്ങളെ ആയിട്ടുള്ളുവെങ്കിലും സച്ചി രേവതി കോമ്പോ ഇതിനോടകം തന്നെ പ്രേക്ഷക മനസ്സിൽ ഇടംപിടിച്ച് കഴിഞ്ഞു. എന്നാൽ കഴിഞ്ഞ കുറച്ച് ദിവസങ്ങളായി സോഷ്യൽ മീഡിയയിലടക്കം ചർച്ചയായ വിഷയമായിരുന്നു ചെമ്പനീർ പൂവ് സീരിയലിലെ നായികയുടെ പിന്മാറ്റം.
ചെമ്പനീർ പൂവിൽ നിന്നും രേവതി പിന്മാറി എന്ന വാർത്ത പുറത്തുവന്നതോടുകൂടി ആരാധകരും ഒന്നടങ്കം ഞെട്ടിയിരിക്കുകയാണ്. നേരത്തെ പരമ്പരയില് നായികയായി അഭിനയിച്ചിരുന്ന ഗോമതി പ്രിയ മാറുകയും പകരം റെബേക്ക സന്തോഷ് ആ വേഷത്തിലേക്ക് എത്തുകയും ചെയ്തിരുന്നു. എന്നാല് ഗോമതിയുടെ ആരാധകരില് നിന്നും കടുത്ത ആക്രമണമാണ് റെബേക്ക നേരിടുന്നത്.
ഇപ്പോഴിതാ ഇക്കാര്യം ചൂണ്ടിക്കാണിക്കുന്നൊരു പോസ്റ്റാണ് സോഷ്യൽ മീഡിയയിൽ ചര്ച്ചയാകുന്നത്. അണ്പോപ്പുലര് ഓപ്പീനിയന്സ് എന്ന ഫെയ്സ്ബുക്ക് ഗ്രൂപ്പില് പങ്കുവച്ചൊരു കുറിപ്പാണ് സോഷ്യല് മീഡിയയില് ചര്ച്ചയായത്.
‘ഒരു നായിക മാറിയതിന്റെ പേരില് അങ്ങേയറ്റം
തെറിവിളിയാണ് റെബേക്കയ്ക്ക് കിട്ടുന്നത്. ഏഷ്യാനെറ്റിന്റെ ഫേസ്ബുക്ക്, യൂട്യൂബ് ചാനല്, ഇന്സ്റ്റഗ്രാം പേജ് എല്ലാത്തിലും റെബേക്കയ്ക്കെതിരെ കടുത്ത വിമർശനമാണ് ഉയരുന്നത്.
ചെമ്പനീർ പൂവിൽ രേവതിയായി ആദ്യം അഭിനയിച്ച ഗോമതിപ്രിയയുടെ അക്കൗണ്ടിൽ ചെന്ന് തിരിച്ച് വരൂ, രേവതിയായി പ്രിയയില്ലാതെ പറ്റില്ല എന്നും പറഞ്ഞ് അപേക്ഷിക്കുകയാണ് ആരാധകർ.
ഏഷ്യാനെറ്റിലെ ചെമ്പനീര് പൂവ് സീരിയലിലെ നായിക ആയിരുന്ന ഗോമതി പ്രിയ മാറി പകരം റെബേക്ക വന്നതാണ് ഈ വിമർശനങ്ങൾക്ക് കാരണം. ഒരു സീരിയല് നായിക മാറിയതിനു ഇത്രേം ഹേറ്റ് അര്ഹിക്കുന്നില്ല” സോഷ്യൽ മീഡിയയിൽ പങ്കുവെച്ച കുറിപ്പില് പറയുന്നത്.
കഴിഞ്ഞ ദിവസം തനിക്ക് ഒരു അവാര്ഡ് ലഭിച്ചതിനെക്കുറിച്ച് റെബേക്ക ഒരു കുറിപ്പ് പങ്കുവച്ചിരുന്നു. ‘ഓരോ താഴ്ചയും വിജയത്തിലേക്കുള്ള കാല്വെയ്പ്പാണ് എന്ന് പറയുന്നത് പോലെ ഇന്ന് ഈ വേദിയില് രേവതി ആയി ആദ്യത്തെ അവാര്ഡ് വാങ്ങുമ്പോള്, എല്ലാവരോടും ഞാന് നന്ദി പറയുന്നു. ഈ അവാര്ഡ് എനിക്കൊരു പ്രചോദനമാണ്. ഇനിയും ഹാര്ഡ് വര്ക്ക് ചെയ്യാനും, ഓരോ സീനും എന്നാൽ കഴിയുന്ന വിധം ഭംഗി ആക്കാനും ശ്രമിക്കും.
രേവതിയെ ഞാനും അത്രയധികം സ്നേഹിക്കുന്നു. രേവതി ആവാനും ഈ അവാര്ഡ് സ്വീകരിക്കാനും എനിക്ക് അവസരം തന്ന ദൈവത്തിനും, ചുരുങ്ങിയ കാലയളവില് എന്നെ നിങ്ങളുടെ രേവതി ആയി സ്വീകരിച്ച പ്രേക്ഷകര്, എനിക്ക് സപ്പോര്ട്ട് തരുന്ന ചാനല്, സിപി ഫാമിലി, എന്റെ ഫാമിലി, ഫാന്സ് എല്ലാവര്ക്കും ഒരുപാട് ഒരുപാട് നന്ദി എന്നായിരുന്നു റബേക്ക പങ്കുവെച്ച കുറിപ്പ്.
ഈ കുറിപ്പിന് താഴെ നിരവധി പേരാണ് വിമര്ശനങ്ങളുമായി എത്തിയിരിക്കുന്നത്. ‘തുടക്കം ഒള്ള രേവതി ആയിരുന്നു നല്ലത്, ഈ അവാര്ഡ് കിട്ടേണ്ടത് പ്രിയയ്ക്കല്ലേ അധികം പറയാന് ഇല്ല, ഉളുപ്പ് വേണം, എന്തോ കാണിച്ചിട്ടാണോ ഈ അവാര്ഡ് കിട്ടിയത്, ഈ അവാര്ഡ് കിട്ടാനുള്ള ഒന്നും നിങ്ങള് ചെയ്തിട്ടില്ല ചേച്ചി.
അത് നിങ്ങള് മനസിലാക്കണം, ഒരു അവാര്ഡ് എന്നൊക്കെ പറയുന്നത് ആ വ്യക്തിയുടെ അര്ഹതയ്ക്കുള്ള അംഗീകരമാണ്. അങ്ങനെ നോക്കുമ്പോൾ ഈ അവാര്ഡിന് എന്തെങ്കിലും അര്ഹത തനിക്കുണ്ടോ.
കഴിഞ്ഞ 8 മാസത്തെ കഷ്ടപ്പാടുകൊണ്ട് പ്രിയയല്ലേ ഈ രേവതിക്ക് ജീവന് നല്കിയത്. അപ്പോൾ ശരിക്കും ഈ അവാര്ഡിന് അര്ഹ പ്രിയ തന്നെയാണെന്ന് ഞങ്ങളെപോലെതന്നെ തനിക്കും അറിയാം. അപ്പോൾ പിന്നെ ഈ പലകയും പൊക്കിപിടിച്ചുള്ള പ്രഹസനങ്ങളൊക്കെ വെറും അല്പത്തരവല്ലേ’ എന്നായിരുന്നു വിമര്ശനങ്ങള്.
അതേസമയം റെബേക്കയെ പിന്തുണച്ചും നിരവധി പേരാണ് എത്തിയത്. ‘ഇവിടെ വന്നു കരയുന്ന ജിപി ഫാന്സ്…. പ്രിയ ഈ പ്രൊജക്റ്റ് ഉപേക്ഷിച്ചു പോയി. ഇനി വരുവോ എന്ന് അറിയില്ല പിന്നെ എന്തിനാ ഇങ്ങനെ ഒരാളെ ഡീഗ്രേഡ് ചെയ്യുന്നത്. രേവതി ആയി റെബേക്കയെ കാണാന് പറ്റില്ല എങ്കില് പിന്നെ സീരിയല് കാണരുത്. അല്ലാതെ പിന്നേം കണ്ടിട്ട് റെബേക്കയെ കുറ്റം പറഞ്ഞത് കൊണ്ട് വീണ്ടും സീരിയലിലേയ്ക്ക് പ്രിയയെ കൊണ്ട് വരില്ല എന്നായിരുന്നു റബേക്കയെ പിന്തുണച്ചെത്തിയ കുറിപ്പ്.
