വിവാഹ ശേഷം അനുഭവിച്ചു! ഇനി വിവാഹമേ വേണ്ട…ദിവ്യയെ ഞെട്ടിച്ച് ക്രിസ്! വീട്ടിൽ സംഭവിച്ചത്? കണ്ണുനിറഞ്ഞ് നടി

സമൂഹ മാധ്യമങ്ങളിൽ നിറയെ ദിവ്യ ശ്രീധർ – ക്രിസ് വേണുഗോപാൽ വിവാഹവാർത്തയെ കുറിച്ചാണ് ചർച്ചകൾ. ഗുരുവായൂർ ക്ഷേത്രത്തിൽ വെച്ച് അടുത്ത സുഹൃത്തുക്കളുടെയും ബന്ധുക്കളുടെയും സാന്നിധ്യത്തിലായിരുന്നു വിവാഹം നടന്നത്.

ആദ്യ വിവാഹത്തിൽ ദിവ്യയ്ക്ക് രണ്ട് മക്കളുണ്ട്. മക്കളുടെ സമ്മതത്തോടെയാണ് രണ്ടാം വിവാഹമെന്ന് ദിവ്യ പറഞ്ഞിരുന്നു. എന്നാൽ ഇതിന് പിന്നാലെ രണ്ട് പേർക്കെതിരെയും കടുത്ത സൈബർ ആക്രമണമാണ് നടന്നത്.

വിവാഹം കഴിഞ്ഞിട്ട് മാസങ്ങൾ കഴിഞ്ഞെങ്കിലും ഇവരുടെ വിശേഷങ്ങൾ തീരുന്നില്ല. ഇരുവരുടെയും സന്തോഷവും സ്നേഹവും നിറഞ്ഞ ഈ ജീവിതത്തിനു മുൻപേപല സംഭവ വികാസങ്ങളാണ് കഴിഞ്ഞിട്ടുള്ളത്.

ഇപ്പോഴിതാ എങ്ങനെ ഇവർ ഈ ജീവിതത്തിലേക്ക് എത്തിയെന്നും ഈ വിവാഹം എങ്ങനെ സംഭവിച്ചു എന്നും വെളിപ്പെടുത്തുകയാണ് താരങ്ങൾ. ‘ദൈവം കൊണ്ട് തരും പോലെ ഒരാളാണ് ഏട്ടനെന്നും നിമിത്തം പത്തരമാറ്റ് സീരിയൽ ആണെന്നും ദിവ്യ പറയുന്നു.

കുറച്ചു ദിവസങ്ങൾ മാത്രമുള്ള ഷൂട്ടായിരുന്നതിനാൽ തന്റെ ഭാഗങ്ങൾ ഷൂട്ട് ചെയ്ത ശേഷം ആ പരമ്പരയിലേക്ക് പോയിട്ടില്ല. എന്നാൽ ഏട്ടനെ കാണാനും ഇങ്ങനെ ഒക്കെ സംഭവിക്കാനും ഒക്കെ ആയിരുന്നു ആ പരമ്പരയിലേക്ക് പോയത് എന്ന് തനിക്ക് തോന്നിയിരുന്നെന്നും അതിനു മുൻപത്തെ ജീവിതം ഇങ്ങനെ ആലോചിച്ച് ആലോചിച്ച് തല പുകച്ചിരുന്ന സമയം ആയിരുന്നെന്നും ദിവ്യ പറയുന്നു.

അതേസമയം കുഞ്ഞുമോളെ കാണുന്ന വരെ ഒരു ജീവിതം വേണ്ട എന്ന് തീരുമാനിച്ച ആളാണ് താനെന്നാണ് ക്രിസ് പറയുന്നത്. ഏതുവരെ പോകുന്നോ അങ്ങനെ ജീവിതം പോകട്ടെ എന്ന് ചിന്തിച്ചിരുന്ന ആളായിരുന്നു. അമ്മയോടും പറഞ്ഞതാണ്. നേരത്തെ താൻ വീട്ടിൽ വരാൻ ലേറ്റ് ആയാൽ ഒന്നും ആരും ചോദിക്കാനോ എന്നെ കാത്തിരിക്കയോ ആരും ഉണ്ടായിരുന്നില്ല. കാരണം അച്ഛനും അമ്മയും പ്രായമായതിനാൽ ടിവി ഒക്കെ കണ്ടു നേരത്തെ ഉറങ്ങും. നേരത്തെ തനിക്ക് തിരികെ വീട്ടിൽ എത്താനുള്ള എന്തെങ്കിലും ഒരു കാരണം വേണമായിരുന്നു, എന്നാൽ അങ്ങനെ ഒന്നും തന്നെ ഇല്ലായിരുന്നു, മക്കളുടെ കാര്യം നോക്കണ്ട ആവിശ്യമില്ല നാളത്തേക്ക് കാത്തിരിക്കാൻ തനിക്ക് ഒന്നുമില്ലായിരുന്നെന്നും ക്രിസ് പറയുന്നു. പക്ഷേ ഈ സമയത്താണ്തന്റെ അനുജത്തിക്ക് തന്റെ അവസ്ഥ മനസിലാകുകയും ഇങ്ങനെ പോയാൽ തന്നെ നഷ്ടമാകും എന്ന് അവൾക്ക് മനസിലാകുകയും ചെയ്തു. അങ്ങനെയാണ് മറ്റാര് ആഗ്രഹിക്കുന്നതിനേക്കാളും തനിക്ക് ഒരു ജീവിതം വേണം എന്നാണ് അവൾ ആഗ്രഹിച്ചത്. ആയിടയ്ക്ക് ഒരു ദിവസം അവൾ സെറ്റിൽ വരാൻ ഇടയായെന്നും ആ ദിവസം ആണ് പത്തരമാറ്റിലേക്ക് ദിവ്യയും എത്തിയതെന്നും ക്രിസ് പറഞ്ഞു.

ഏട്ടന്റെ ജീവിതം എന്താണ് ഇങ്ങനെ എത്തിയത് എന്ന് അറിയാനുള്ള ആഗ്രഹമുണ്ടായിരുന്നു. അദ്ദേഹത്തോട് ആ സമയത്ത് ഈ താടി വളർത്തിയതിനെക്കുറിച്ചൊക്കെ സംസാരിച്ചിരുന്നു. സംസാരിക്കണം എന്ന് തോന്നിയിരുന്നെന്നും പക്ഷേ ഒരിക്കലും പ്രണയം ഒന്നും തോന്നിരുന്നില്ലെന്നും ദിവ്യ പറഞ്ഞു. അപ്പോഴാണ് താൻ അനുഭവിച്ചതിനേക്കാൾ ഏട്ടൻ അനുഭവിച്ചിട്ടുണ്ട് എന്ന് അറിയുന്നത്. ഏട്ടൻ അനുഭവിച്ചതിനേക്കാൾ താനും അനുഭവിച്ചിട്ടുണ്ട് എന്ന് തിരിച്ചറിഞ്ഞു. അങ്ങനെയിരിക്കെയാണ് ഏട്ടനെ നോക്കണേ, സംസാരിക്കണം, മൂഡ് ഓഫ് ആക്കാൻ സമ്മതിക്കരുത് എന്നൊക്കെ പറഞ്ഞ് സൗമ്യ ചേച്ചിയുടെ ഒരു മെസേജ് തനിക്ക് വരുന്നത്. അപ്പോഴാണ് ഏട്ടനോട് കൂടുതൽ സംസാരിച്ചതെന്നും പിന്നീട് പാട്ടൊക്കെ പാടി തന്നിരുന്നെന്നും അത് താൻ സൗമ്യ ചേച്ചിക്ക് അയച്ചു കൊടുതിരുന്നെന്നും ദിവ്യ ഓർത്തു. പിന്നാലെ തങ്ങൾ എല്ലാം തുറന്നു പറയാം എന്ന അവസ്ഥയിലേക്ക് ആ ബന്ധം എത്തിയെന്നും അങ്ങനെ എന്റെ തീർത്ഥാടന മോഹത്തിന്റെ കഥയും പറഞ്ഞെന്നും ദിവ്യ കൂട്ടിച്ചേർത്തു.