തീയേറ്ററുകളിൽ പ്രണയം പടർത്താൻ രാമനും കദീജയും ; ചിത്രത്തിന്റെ ട്രയിലർ പുറത്ത്
നവാഗതനായ ദിനേശ് പൂച്ചക്കാട് തിരക്കഥ രചിച്ച ചിത്രമാണ് രാമനും കദീജയും. കാഞ്ഞങ്ങാട് ഫിലിംസിൻ്റെ ബാനറിൽ ബിനരാജ് കാഞ്ഞങ്ങാട്, സതീഷ് കാനായി എന്നിവരാണ് ഈ ചിത്രം നിർമ്മിച്ചിരിക്കുന്നത്. ചിത്രത്തിൽ ഡോ. ഹരിശങ്കറും അപർണ്ണയുമാണ് കേന്ദ്ര കഥാപാത്രങ്ങളായി എത്തുന്നത്.
ഇപ്പോഴിതാ ചിത്രത്തിന്റെ ട്രെയിലർ പുറത്ത് വന്നിരിക്കുകയാണ്. പ്രണയ രംഗങ്ങളും, ഗാനങ്ങളുമൊക്കെ നിറഞ്ഞുനിൽക്കുന്ന കൗതുകകരമായ ട്രയിലർ തന്നെയാണിത്. സമൂഹമാധ്യമങ്ങളിൽ വലിയ സ്വീകാര്യതയാണ് ഈ ട്രയിലറിനു ലഭിച്ചിരിക്കുന്നത്.
അതേസമയം ഒരു പ്രണയ ചിത്രമാണ് രാമനും കദീജയും. നാടോടികളായ രാമൻ്റേയും കദീജയുടേയും പ്രണയത്തിനിടയിലക്ക് മതം കടന്നു വരുന്നതും പിനീടുണ്ടാകുന്ന സംഭവ വികാസങ്ങളുമാണ് ഈ സിനിമ. നവംബർ 22 ന് ചിത്രം ഫിയോക് തീയേറ്ററുകളിൽ എത്തിക്കും.
പ്രശാന്ത് കുമാർ, മോഹൻ ചന്ദ്രൻ, ഹരി.ടി.എൻ., ഊർമ്മിളാവൈശാഖ് ,ഓമന, പ്രേയലത, സുരേന്ദ്രൻ പൂക്കാനം, മല്ലക്കര രാമചന്ദ്രൻ,സതീഷ് കാനായി, ടി.കെ. നാരായണൻ, ഡി .വൈ.എസ്.പി ഉത്തംദാസ്, (മേൽപ്പറമ്പ്) എന്നിവരും പ്രധാന വേഷങ്ങളിലെത്തുന്നു.ഗാനങ്ങൾ -ദിനേശ് പൂച്ചക്കാട്,ഹാരിസ് തളിപ്പറമ്പ്.
സംഗീതം -ഷാജി കാഞ്ഞങ്ങാട് ശ്രീശൈലം രാധാകൃഷ്ണൻ,പശ്ചാത്തല സംഗീതം. സുദർശൻ. പി.ഛായാഗ്രഹണം – അഭിരാം സുദിൽ, ശ്രീജേഷ് മാവില,എഡിറ്റിംഗ് – അമൽ, കലാ സംവിധാനം. മൂർധന്യ. മേക്കപ്പ് – ഇമ്മാനുവൽ അംബ്രോസ്. കോസ്റ്റും – ഡിസൈൻ – പുഷ്പ’ , നിശ്ചല ഛായാഗ്രഹണം – ശങ്കർ ജി. വൈശാഖ് മേലേതിൽ’ നിർമ്മാണ നിർവ്വഹണം – ഹരിഹരൻ പൂച്ചക്കാട്, എബിൻ പാലന്തലിക്കൽ’.
