Connect with us

ഉംറ നിർവ്വഹിച്ച് ഷാരൂഖ് ഖാൻ; ചിത്രങ്ങൾ വൈറൽ

Movies

ഉംറ നിർവ്വഹിച്ച് ഷാരൂഖ് ഖാൻ; ചിത്രങ്ങൾ വൈറൽ

ഉംറ നിർവ്വഹിച്ച് ഷാരൂഖ് ഖാൻ; ചിത്രങ്ങൾ വൈറൽ

ബോളിവുഡിന് ഒരേയൊരു ബാദ്ഷാ മാത്രമേ ഉള്ളൂ, ബോളിവുഡിന്റെ കിംഗ് ഖാൻ എന്ന് ആരാധകർ വിളിക്കുന്ന സാക്ഷാൽ ഷാരൂഖ് ഖാൻ. ഇന്ത്യൻ സിനിമ എന്നാൽ ഷാരൂഖ് ഖാൻ എന്ന് ലോകം മുഴുവൻ അറിയപ്പെട്ടിരുന്ന കാലമുണ്ടായിരുന്നു. പതിറ്റാണ്ടുകൾ നീണ്ട തന്റെ അഭിനയ ജീവിതത്തിൽ ഷാരൂഖ് സിനിമാസ്വാദകർക്ക് നൽകിയത് നിരവധി മികച്ച കഥാപാത്രങ്ങളാണ്. അവയിലൂടെ മലയാളികൾക്കും പ്രിയങ്കരനായ താരം നാല് വർഷത്തെ ഇടവേളക്ക് ശേഷം പത്താൻ എന്ന ചിത്രത്തിലൂടെ വീണ്ടും ബി​ഗ് സ്ക്രീനിൽ സജീവമാകുകയാണ്. ഇപ്പോഴിതാ മക്കയിൽ എത്തി ഉംറ നിർവഹിച്ച ഷാരൂഖിന്റെ ചിത്രങ്ങളാണ് സമൂഹമാധ്യമങ്ങളിൽ വൈറലാകുന്നത്.

നടൻ ഉംറ വസ്ത്രം ധരിച്ച് പ്രാർത്ഥിക്കുന്നത് ചിത്രങ്ങളിലും വീഡിയോകളിലും കാണാനാകും. റെഡ്സീ അന്താരാഷ്ട്ര ചലച്ചിത്രോത്സവത്തിൽ പങ്കെടുക്കാന്‍ കഴിഞ്ഞ ദിവസം ജിദ്ദയിൽ എത്തിയതായിരുന്നു നടൻ. ചലച്ചിത്രോത്സവത്തിന്റെ ഉദ്ഘാടന ചിത്രം ഷാറൂഖിന്റെ ‘ദില്‍വാലെ ദുൽഹനിയ ലേ ജായേംഗേ‘ ആയിരുന്നു. സംഗീത സംവിധായകന്‍ എ.ആര്‍. റഹ്മാനും ഉംറ നിര്‍വഹിക്കാന്‍ മക്കയിലെത്തിയിരുന്നു.


അതേസമയം, അടുത്തവർഷം ജനുവരി 25നാണ് പത്താൻ റിലീസ് ചെയ്യുന്നത്. അടുത്തിടെ പുറത്തിറങ്ങിയ ചിത്രത്തിന്റെ ട്രെയിലർ ഏറെ ശ്രദ്ധിക്കപ്പെട്ടിരുന്നു. തിയറ്ററുകളിൽ ചിത്രം തീപാറിക്കും എന്ന് തന്നെയാണ് ടീസര്‍ ഉറപ്പുനൽകിയത്. തുടർ പരാജയങ്ങൾ നേരിടുന്ന ബോളിവുഡിന് വലിയൊരു മുതൽക്കൂട്ടാകും ചിത്രമെന്നാണ് ട്രേഡ് അനലിസ്റ്റുകളുടെ വിലയിരുത്തലുകൾ.

സിദ്ധാര്‍ഥ് ആനന്ദ് ആണ് ആക്ഷന്‍ ത്രില്ലര്‍ ഗണത്തില്‍ പെടുന്ന പത്താന്‍ സംവിധാനം ചെയ്യുന്നത്. ദീപിക പദുകോണ്‍ നായികയാവുന്ന ചിത്രത്തില്‍ ജോണ്‍ എബ്രഹാം മറ്റൊരു പ്രധാന കഥാപാത്രത്തെ അവതരിപ്പിക്കുന്നു. ഡിംപിള്‍ കപാഡിയ, ഷാജി ചൗധരി, ഗൗതം, അഷുതോഷ് റാണ തുടങ്ങിയവരും അഭിനയിക്കുന്നുണ്ട്. സല്‍മാന്‍ ഖാന്‍റെ അതിഥിവേഷവും ചിത്രത്തെ ശ്രദ്ധേയമാക്കുന്ന ഘടകമാണ്. ഹിന്ദിക്ക് പുറമെ തമിഴ്, തെലുങ്ക് പതിപ്പുകളിലും പഠാന്‍ തിയറ്ററുകളിലെത്തും. പഠാന്‍ കൂടാതെ ആറ്റ്‍ലി സംവിധാനം ചെയ്യുന്ന ജവാന്‍, രാജ്‍കുമാര്‍ ഹിറാനി സംവിധാനം ചെയ്യുന്ന ഡങ്കി എന്നീ ചിത്രങ്ങളും അണിയറയില്‍ ഒരുങ്ങുന്നുണ്ട്.

More in Movies

Trending