സിഗരറ്റ് വലിക്കുന്നത് ഞാൻ നിർത്തി; ഇനി ആ ശീലമുണ്ടാകില്ല

മോഹൻലാൽ അവതാരകനായി എത്തിയ ബിഗ്ഗ്‌ബോസ് ഷോ രണ്ടാം ഭാഗം കഴിഞ്ഞ ദിവസമാണ് അവസാനിപ്പിക്കേണ്ടിവന്നത്. മത്സരാർത്ഥികളെല്ലാം പുറത്തെത്തിയതോടെ താരങ്ങളുടെ വിശേഷങ്ങൾ അറിയാൻ കാത്തിരിക്കുകയാണ് ആരാധകർ.

ഇപ്പോഴിതാ ബിഗ് ബോസ് മലയാളം സീസണ്‍ ടുവിലെ മത്സരാർത്ഥിയായിരുന്ന സാന്‍ഡ്ര തന്റെ ആരാധകരോട് മനസ് തുറക്കുകയാണ്. ഇന്‍സ്റ്റഗ്രാമിലൂടെയാണ് സാന്‍ഡ്ര വിശേഷങ്ങള്‍ പങ്കുവെച്ചത്. ബിഗ് ബോസിലെ സന്തോഷത്തില്‍ നിന്നും താനിതുവരേയും പുറത്തുകടന്നിട്ടില്ലെന്ന് താരം പറയുന്നു. പിന്തുണയ്ക്കും സ്‌നേഹത്തിനും എങ്ങനെയാണ് നന്ദി പ്രകടിപ്പിക്കേണ്ടത് എന്നറിയില്ല.

ബിഗ് ബോസ് വീട്ടിലെ ഓരോരുത്തേരയും ആ വീടിനേയും താന്‍ മിസ്സ് ചെയ്യുന്നുവെന്നും താരം കുറിച്ചിട്ടുണ്ട്. ആരാധകരുടെ കമന്റുകള്‍ക്ക് കൃത്യമായ മറുപടിയുമായും സാന്‍ഡ്ര സജീവമാണ്. ബിഗ് ബോസ് എപ്പിസോഡുകള്‍ കണ്ടുതീര്‍ന്നോയെന്നായിരുന്നു ഒരാള്‍ ചോദിച്ചത്. ഇല്ലെന്നായിരുന്നു താരത്തിന്റെ മറുപടി. സിഗരറ്റ് വലിക്കുന്നത് നല്ല ശീലമല്ലെന്നും അതുകൂടി ഒഴിവാക്കിയാല്‍ നല്ല കുട്ടിയാവുമെന്നുമായിരുന്നു ഒരാളുടെ കമന്റ്. താന്‍ അത് നിര്‍ത്തിയെന്ന മറുപടിയായിരുന്നു താരം നല്‍കിയത്. അത് വ്യക്തിപരമായ കാര്യമല്ലേ, അതൊക്കെ ചോദിക്കുന്നതെന്തിനാണെന്നുള്ള ചോദ്യങ്ങളും ചിലര്‍ ഉയര്‍ത്തിയിരുന്നു. കുടുംബത്തിലെ ഒരംഗത്തെപ്പോലെയാണ് സാന്‍ഡ്രയെ കാണുന്നത്. ആ സ്വാതന്ത്ര്യത്തിലാണ് ഇതേക്കുറിച്ച്‌ പറഞ്ഞത്. സിഗരറ്റ് ആര് വലിച്ചാലും ആരോഗ്യത്തിന് ഹാനികരമാണെന്നായിരുന്നു കമന്റ് പോസ്റ്റ് ചെയ്തയാള്‍ നല്‍കിയ മറുപടി.

ജീവിതത്തിലെ ഏറ്റവും മികച്ച ദിവസങ്ങളായിരുന്നു കഴിഞ്ഞുപോയതെന്ന് സാന്‍ഡ്ര നേരത്തെ പറഞ്ഞിരുന്നു. ബിഗ് ബോസ് ശരിക്കുമൊരു കുടുംബമായിരുന്നു. വര്‍ഷങ്ങളായി ഒറ്റയ്ക്ക് ജീവിച്ചുവരുന്ന തന്നെ സംബന്ധിച്ചിടത്തോളം അതൊരു കൂട്ടുകൂടുംബമായിരുന്നുവെന്നും താരം പറഞ്ഞിരുന്നു.

big boss