സി​ദ്ദി​ഖിന്റെ രാജി; അമ്മയുടെ ജനറൽ സെക്രട്ടറി സ്ഥാനത്തേയ്ക്ക് ബാബുരാജ്

നടിയുടെ ലൈം ​ഗീകാരോപണ പരാതിയ്ക്ക് പിന്നാലെ അമ്മയുടെ ജനറൽ സെക്രട്ടറി സ്ഥാനത്ത് നിന്ന് സിദ്ദിഖ് രാജിവെച്ചിരുന്നു. ഇപ്പോഴിതാ സി​ദ്ദി​ഖ് രാജി​വച്ചതിനെ തുടർന്ന് ജനറൽ സെക്രട്ടറി​യായി ബാബുരാജ് ചുമതലയേൽക്കുമെന്നാണ് വിവരം. നിലവിൽ ജോയി​ന്റ് സെക്രട്ടറിയാണ് ബാബുരാജ്. അമ്മ ഭാരവാഹി​കൾ നടത്തി​യ ആലോചനയ്ക്ക് പിന്നാലെയാണ് തീരുമാനം.

അതേസമയം, ‘അമ്മ’യുടെ എക്സി​ക്യുട്ടീവ് യോഗം രമ്ട് ദിവസത്തിനുള്ളിൽ ചേരുമെന്നാണ് വിവരം. എക്സി​ക്യുട്ടീവ് യോഗത്തി​ൽ പ്രസി​ഡന്റ് മോഹൻലാലും പങ്കെടുക്കും. ഹേമ കമ്മിറ്റി റിപ്പോർട്ട് ചർച്ചചെയ്യാൻ സിനിമയിലെ സാങ്കേതിക പ്രവർത്തകരുടെ സംഘടനയായ ഫെഫ്കയുടെ യോഗങ്ങൾ 31ന് ആരംഭിക്കും.

സി​നി​മാരംഗത്ത് പ്രവർത്തി​ക്കുന്ന 21 ട്രേഡ് യൂണി​യൻ സംഘടനകളുടെ കൂട്ടായ്മയാണ് ഫെഫ്ക. മൂന്നു സംഘടനകളുടെ വീതം എക്സി​ക്യുട്ടീവ് കമ്മി​റ്റി​കളാണ് ചേരുക.

അതേസമയം, ബം​ഗാളി നടി ശ്രീലേഖ മിത്രയുടെ വെളിപ്പെടുത്തലിന് പിന്നാലെ കേരള ചലച്ചിത്ര അക്കാദമി ചെയർമാൻ സ്ഥാനത്ത് നിന്ന് രാജി വെച്ച രഞ്ജിത്തിൻ്റെ സ്ഥാനത്തേയ്ക്ക് വൈസ്-ചെയർമാനായ നടൻ പ്രേംകുമാർ താൽക്കാലിക ചുമതല ഏറ്റെടുത്തേക്കുമെന്നും വിവരമുണ്ട്.

കമലിന് ശേഷം ചെയർമാൻ സ്ഥാനത്തേയ്ക്ക് രഞ്ജിത്തും, ബീന പോളിന് പിന്നാലെ വൈസ്-ചെയർപേഴ്‌സൺ സ്ഥാനത്തേക്ക് പ്രേംകുമാറുമായിരുന്നു സ്ഥാനമേറ്റത്. . 2022 ഫെബ്രുവരി മുതൽ പ്രേംകുമാർ അക്കാദമി വൈസ്-ചെയർമാനായി പ്രവർത്തിച്ചു പോരുകയായിരുന്നു.

സിദ്ദിഖ് രാജിവെച്ചതിന് പിന്നാലെയാണ് രഞ്ജത്തിന്റെയും രാജി പുറത്തെത്തിയത്. ഹേമ കമ്മിറ്റ റിപ്പോർട്ട് പുറത്തെത്തിയതിന് പിന്നാലെയായിരുന്നു ബം​ഗാളി നടി രഞ്ജിത്തിനെതിരെ രം​ഗത്തെത്തിയത്. നടി രേവതി സമ്പത്തായിരുന്നു വീണ്ടും സിദ്ദിഖിനെതിരെ രം​ഗത്തെത്തിയിരുന്നത്. ആരപോപണങ്ങൾക്ക് പിന്നാലെ സർക്കാർ അന്വേഷണം പ്രഖ്യാപിച്ചിട്ടുണ്ട്.