‘ഒരു സ്‌നേഹ ബന്ധത്തില്‍ അപടകം സംഭവിച്ചു കഴിഞ്ഞു, കലാ രംഗത്തേക്ക് ഉടനെ തിരിച്ചു വരും; അനുശ്രീയുടെ കൈ നോക്കി പറഞ്ഞത്
ടെലിവിഷന്‍ പ്രേക്ഷകര്‍ക്ക് സുപരിചിതയായ താരമാണ് നടി അനുശ്രീ. ബാലതാരമായി സിനിമയിലും സീരിയലുകളിലും ശ്രദ്ധ നേടിയ താരം മുതിര്‍ന്നപ്പോള്‍ ടെലിവിഷന്‍ സീരിയലുകളിൽ സജീവമായിരുന്നു. കോവിഡ് കാലത്തായിരുന്നു ക്യാമറാമാന്‍ വിഷ്ണു സന്തോഷുമായുള്ള അനുശ്രീയുടെ വിവാഹം.. വിഷ്ണു സന്തോഷുമായുള്ള പ്രണയ വിവാഹത്തിന് ശേഷം ഒരു കുഞ്ഞ് ജനിച്ചു. അതിനിടയില്‍ രണ്ട് പേര്‍ക്കും ഇടയില്‍ ചില അസ്വരസ്യങ്ങള്‍ ഉണ്ടാവുകയും വേര്‍പിരിയുകയും ചെയ്തു.
വിവാഹത്തോടെ അഭിനയം നിര്‍ത്തിയെങ്കിലും തന്റെ വിശേഷങ്ങള്‍ എല്ലാം നടി യൂട്യൂബിലൂടെ പങ്കുവയ്ക്കാറുണ്ട്.തന്റെയും കുഞ്ഞിന്റെയും വിശേഷങ്ങളും യാത്രകളും എല്ലാം യൂട്യൂബിലൂടെ നിരന്തരം പങ്കുവയ്ക്കുന്ന നടി ഏറ്റവും ഒടുവില്‍ പങ്കുവച്ചത് ഒരു കണ്വെന്ഷന് പോയ വീഡിയോ ആണ്. വീട്ടില്‍ തന്നെ ഇരിക്കുന്നത് കാരണം തിരവനന്തപുരത്തുള്ള ഒരു ബന്ധുവീട്ടില്‍ വന്നതായിരുന്നു നടി. അവിടെ വച്ചാണ് അറിയുന്നത് അടുത്ത് ഹിന്ദുക്കളുടെ കണ്വെന്ഷന് നടക്കുന്നുണ്ട് എന്ന്. അപ്പോള്‍ തന്നെ അമ്മയെയും കൂട്ടി പുറപ്പെടുന്ന കാഴ്ചകളാണ് വീഡിയോയിലുള്ളത്.
കണ്വെന്ഷന് പോയ ഇടത്തുള്ള രസകരമായ കാര്യങ്ങളും ഓരോ സാധനങ്ങള്‍ വാങ്ങുന്നതും തന്റെയും അമ്മയുടെയും ഇഷ്ടങ്ങളും എല്ലാം അനുശ്രീ പറയുന്നുണ്ട്. യാത്ര ചെയ്തു പര്‍ച്ചേഴ്‌സ് ചെയ്തും വെയില്‍ കൊണ്ടും തളര്‍ന്ന് ഇരിക്കുമ്പോഴാണ് ഒരാള്‍ അനുശ്രീയുടെ മുഖം നോക്കി ലക്ഷണം പറഞ്ഞത്. അതിന് ശേഷം അനുശ്രീ ദക്ഷിണ കൊടുത്തു കാണണം കൈ നോക്കി കാര്യങ്ങള്‍ എല്ലാം പറഞ്ഞു.
‘ഒരു സ്‌നേഹ ബന്ധത്തില്‍ അപടകം സംഭവിച്ചു കഴിഞ്ഞു. പണമോ വലിയ ജീവിതമോ പ്രതീക്ഷിച്ച് ഇറങ്ങി പോയതായിരുന്നില്ല. പക്ഷെ അത് വേര്‍പിരിയേണ്ടി വന്നു. രണ്ട് അമ്മമാരുടെ സ്നേഹം താങ്കള്‍ അനുഭവിയ്ക്കുന്നുണ്ട്. പക്ഷെ അമ്മയെ ഇതുവരെ സന്തോഷിപ്പിക്കാന്‍ കഴിഞ്ഞിട്ടില്ല. കലാ രംഗത്തേക്ക് ഉടനെ തിരിച്ചു വരും’ എന്നൊക്കെയാണ് അനുശ്രീയുടെ കൈ നോക്കി അദ്ദേഹം പറഞ്ഞത്
