Social Media
ഞാന്‍ പോസ് ചെയ്യുമ്പോൾ പുഴയിൽ മുങ്ങും; ഏട്ടന്റെ കരുതലിനേയും സ്നേഹത്തെയും കുറിച്ച് അനുശ്രീ
ഞാന്‍ പോസ് ചെയ്യുമ്പോൾ പുഴയിൽ മുങ്ങും; ഏട്ടന്റെ കരുതലിനേയും സ്നേഹത്തെയും കുറിച്ച് അനുശ്രീ
ഗ്രാമീണഭംഗിയുടെ പശ്ചാത്തലത്തിലുള്ള അനുശ്രീയുടെ ഫോട്ടോ ഷൂട്ട് കഴിഞ്ഞ ദിവസം സമൂഹ മാധ്യമങ്ങളിൽ ശ്രദ്ധ നേടിയിരുന്നു. കുളത്തില്‍ വെച്ചു നടത്തിയ ഫോട്ടോഷൂട്ടിന്റെ ചിത്രങ്ങളായിരുന്നു പങ്കുവെച്ചത്. ആ ഫോട്ടോ ഷൂട്ടിന്റെ പിന്നാമ്പുറ കഥയുമായാണ് ഇക്കുറി താരം എത്തിയത്
സഹോദരന്റെ സ്‌നേഹത്തെ കുറിച്ചാണ് അനുശ്രീ പറയുന്നത്. പുഴയിൽ നടത്തിയ ഫോട്ടോഷൂട്ടിനിടെ തനിക്കൊപ്പം വെള്ളത്തിൽ ഇറങ്ങി മുങ്ങി നിന്നാണ് ചേട്ടൻ അനൂപ് തന്റെ സുരക്ഷ ഉറപ്പാക്കിയതെന്ന് നടി പറയുന്നു
”എന്നത്തെയും പോലെ, അനൂപ് ഏട്ടാ, നിങ്ങളാണ് എന്റെ ശക്തി. രണ്ടു ദിവസം നല്ല മഴ കഴിഞ്ഞു ആറ്റില്‍ നല്ല അടിയൊഴുക്കുള്ള ദിവസമാണ് ഈ ഫോട്ടോഷൂട്ട് ചെയ്തത്… ഞാന്‍ പോസ് ചെയ്തു തുടങ്ങുന്നതിനു മുന്നേ മുങ്ങിയിരിക്കാനും.. ഞാന്‍ പോസ് ചെയ്തു കഴിയുമ്പോ പൊങ്ങിവരാനും എന്റെ സുരക്ഷയെ കരുതി എനിക്ക് മുന്നേ എന്റെ അണ്ണന്‍ ഇറങ്ങിയിരുന്നു..എട്ടനാണ് എന്റെ ശക്തി” എന്നാണ് അനുശ്രീ കുറിച്ചിരിക്കുന്നത്.
പൊയ്കയില്‍ കുളിര്‍പൊയ്കയില്‍ പൊന്‍വെയില്‍ നീരാടുംനേരം പൂക്കണ്ണുമായി നില്‍ക്കുന്നുവോ തീരത്തെ മന്ദാരം,” എന്ന ക്യാപ്ഷനായിരുന്നു അനുശ്രീ നൽകിയത് . നിതിന്‍ നാരായണന്‍ എന്ന ഫോട്ടോഗ്രാഫറാണ് ഈ ചിത്രങ്ങള്‍ പകര്‍ത്തിയിരിക്കുന്നത്.
