ജീവിതത്തിൽ വേദനയനുഭവിച്ചിരുന്ന സ്ത്രീ അതിൽ നിന്നും ഒരിക്കലും മോചിതയാകരുത് എന്നാണോ നിങ്ങൾ ആഗ്രഹിക്കുന്നത്? കൊന്ന് കളഞ്ഞാൽ സമാധാനമാകുമോ?കമന്റുകളോട് പ്രതികരിച്ച് അമൃതയും അഭിരാമിയും

വളരെ ചെറുപ്പത്തിൽ തന്നെ മലയാളികളുടെ ഇഷ്ടം പിടിച്ചുവാങ്ങിയ ഗായികയാണ് അമൃത സുരേഷ്. ഏഷ്യാനെറ്റിൽ സംപ്രേഷണം ചെയ്ത് വന്ന ഐഡിയ സ്റ്റാർ സിംഗറിലൂടെ ഗംഭീര ആലാപനശൈലിയോടെ മലയാളി മിനിസ്ക്രീൻ പ്രേക്ഷകരുടെ ഇടനെഞ്ചിൽ ഇടം നേടിയ അമൃത സുരേഷ് പിന്നീട് സെലിബ്രിറ്റിയായി മാറുകയായിരുന്നു.

ഇതിന് പിന്നാലെയായിരുന്നു അമൃതം ഗമയ എന്ന ബാൻ്റിലൂടെ അനിയത്തി അഭിരാമി സുരേഷിനെ അമൃത ഒപ്പം കൂട്ടി. ബാൻ്റ് ഹിറ്റായി മാറിയതോടെ ഇരുവർക്കും തിരക്കൊഴിയാത്ത വേദികളുണ്ടായി. ബാൻ്റും ഒപ്പം വ്ലോഗിങ്ങുമൊക്കെയായി രണ്ട് പേരും ഡിജിറ്റൽ പ്ലാറ്റ്ഫോമിൽ മിന്നിത്തിളങ്ങി.

അടുത്തിടെയാണ് അമൃത സുരേഷ് താൻ സംഗീത സംവിധായകൻ ഗോപി സുന്ദറുമായി പ്രണയത്തിലാണെന്ന് വെളിപ്പെടുത്തിയത്. ബാലയുമായി വിവാഹ ബന്ധം പിരിഞ്ഞ ശേഷമാണ് അമൃത ഗോപി സുന്ദറുമായി പ്രണയത്തിലായത്.

ഗോപി സുന്ദ‌റുമായുള്ള പ്രണയം പരസ്യപ്പെടുത്തിയ ശേഷം വളരെ വലിയ രീതിയിൽ സൈബർ ആക്രമണം നേരിടുന്നുണ്ട് അമൃതയും അഭിരാമിയും. ചീത്ത വിളികൾ പരിധി വിട്ടപ്പോൾ കഴിഞ്ഞ ദിവസം പ്രതികരിച്ച് അഭിരാമി സുരേഷും രംഗത്തെത്തിയിരുന്നു. ഇപ്പോഴിതാ തങ്ങളുടെ യുട്യൂബ് വീഡിയോകൾക്ക് താഴെ വരുന്ന കമന്റുകളോട് പ്രതികരിച്ച് എത്തിയിരിക്കുകയാണ് സഹോദരിമാർ.

എജി വ്ലോഗ്സ് എന്ന ഇരുവരുടേയും യുട്യൂബ് ചാനലിലാണ് വന്ന കമന്റുകൾ ഉൾക്കൊള്ളിച്ച് റിയാക്ഷൻ വീഡിയോ ചെയ്തത്. ‘പതിനഞ്ച് വർഷത്തോളമായി നിങ്ങൾ അമൃത ചേച്ചിയെ കണ്ടുകൊണ്ടിരിക്കുകയല്ലേ. ആ പതിന‍ഞ്ച് വർഷത്തിനിടെ എല്ലാവരുടെ ചിന്തയിലും ഇഷ്ടങ്ങളിലും പ്രവൃത്തിയിലും മാറ്റം വരില്ലേ.’ ‘അത് മനസിലാക്കുകയല്ലേ വേണ്ടത് അല്ലാതെ കുറ്റപ്പെടുത്തുകയല്ലല്ലോ. വേണ്ടിടത്ത് പ്രൈവസി കൊടുത്തും മറ്റുള്ളവരുടെ പ്രൈവസി ബഹുമാനിച്ചുമാണ് ഞങ്ങൾ ജീവിക്കുന്നത്’, അഭിരാമി ചോദിച്ചു. ‘ഞാനൊരു പൂ പിടിച്ച് നിൽക്കുന്ന ഫോട്ടോയിട്ടാലും അമ്പലത്തിൽ പോയാലും പ്രശ്നമാണ്. അപ്പോൾ വരും കമന്റ് അമൃത സുരേഷ് പൂപിടിച്ച് നിൽക്കുന്നത് എന്തുകൊണ്ടെന്ന് ചോദിച്ച്. ഞാൻ എന്ത് തെറ്റ് ചെയ്തിട്ടാണെന്ന് മനസിലാകുന്നില്ല’, അമൃത പറഞ്ഞു.

‘പുറത്തിറങ്ങാൻ പേടിച്ച് ഞാൻ എന്റെ കോലം വരെ മാറ്റി. ഞാൻ മുമ്പ് എന്തൊരു ഫ്രീക്ക് കുട്ടിയായിരുന്നു. ഇതിനൊക്കെ ആര് സമാധാനം പറയും’, അഭിരാമി പറഞ്ഞു. ‘മാരേജ് കഴിഞ്ഞോെയെന്ന ചോദ്യത്തിനുള്ള ഉത്തരം സസ്പെൻസാണ്’, അമൃത പറഞ്ഞു. ‘ഞങ്ങളെ അഹങ്കാരികളെന്ന് വിളിക്കുന്നവരോട് ഞങ്ങൾക്ക് ഒന്നും പറയാനില്ല. നിങ്ങളുടെ ഉള്ളിലുള്ള ദുഷിപ്പല്ലേ ഇത്തരം മോശം കമന്റുകളിലൂടെ പുറത്തേക്ക് വരുന്നത്. മോശം കമന്റുകൾ ഞങ്ങളെ ഒരുപാട് വേദനിപ്പിച്ചിട്ടുണ്ട്. ഞങ്ങളും മനുഷ്യരാണ്. ചോറ് തിന്നുന്നവരാണ്. ഇത് കോമ്പറ്റേറ്റീവ് വേൾഡാണ്. ഞങ്ങൾ‌ കുറച്ച് അഹങ്കാരികളായ നിൽക്കുന്നത് കൊണ്ടാണ് സർവൈവ് ചെയ്യുന്നത്. ഞങ്ങൾ തെറി കമന്റുകൾ ഒഴിവാക്കിയാണ് റിയാക്ട് ചെയ്യുന്നത്. ഒരാൾ സന്തോഷിക്കുന്ന കാണുമ്പോൾ നമ്മളും സന്തോഷിക്കുകയല്ലേ വേണ്ടത്.’ ‘അല്ലാതെ അടുത്ത വർഷം ഇവൻ കിടന്ന് കരയണേ എന്നാണോ നമ്മൾ വിചാരിക്കേണ്ടത്. എനിക്ക് വരുന്ന കമന്റുകൾ അടുത്ത ഓണത്തിന് ഇതേപോലെ ഇരുന്നാൽ മതിയായിരുന്നു എന്നൊക്കെയാണ്. എന്ത് മനസാണ് ആ ചിന്തയൊക്കെ. നിങ്ങൾ‌ സന്തോഷമായിരിക്കണം എന്നാണ് ഞങ്ങൾ ആഗ്രഹിക്കുന്നത്.’

കമന്റിടുന്നവരെല്ലാം ഒരാളെ പ്രേമിച്ച് അയാളെ വിവാഹം ചെയ്തവരൊന്നും അല്ലല്ലോ. ജീവിതത്തിൽ വേദനയനുഭവിച്ചരുന്ന സ്ത്രീ അതിൽ നിന്നും ഒരിക്കലും മോചിതയാകരുത് എന്നാണോ നിങ്ങൾ ആഗ്രഹിക്കുന്നത്. എല്ലാവരേയും അവരവരുടെ ഇഷ്ടത്തിന് ജീവിക്കാൻ അനുവദിക്കു. ഞങ്ങളെ ഞങ്ങൾ തന്നെയാണ് പ്രശംസിക്കുന്നത്. നിങ്ങളെല്ലാം വന്ന് തെറിവിളിച്ച് പോകുവല്ലേ.’ ‘ഞങ്ങളെ ഒരു ചാക്കിൽ കെട്ടി കൊന്ന് കളഞ്ഞാൽ നിങ്ങൾക്ക് സമാധാനമാകുമോ. വെറുതെ ഞങ്ങൾ ഒരു ഫോട്ടോയിട്ടാൽ വരുന്ന കമന്റ് നിങ്ങൾ കുഞ്ഞിനെ കൊണ്ട് കളഞ്ഞോ എന്നാണ്. കഴിഞ്ഞ ദിവസം നിന്റെ കുട്ടി എവിടെ എന്നാണ് ഒരാൾ ചോദിച്ചത്. പാപ്പുവിനെ ഒരിക്കലും ഇതിലേക്കൊന്നും വലിച്ചഴക്കരുത്’ അമൃതയും അഭിരാമിയും കമന്റുകളോട് പ്രതികരിച്ച് പറഞ്ഞു.

അതേസമയം സോഷ്യല്‍ മീഡിയയില്‍ തന്‍റെ പോസ്റ്റുകള്‍ക്കു താഴെ അധിക്ഷേപകരമായ കമന്‍റുകള്‍ ഇടുന്നവര്‍ക്കെതിരെ പൊലീസില്‍ പരാതിപ്പെടാന്‍ ഒരുങ്ങുകയാണ് ഗായിക അമൃത സുരേഷ്. അത്തരം കമന്‍റുകളൊക്കെയും ശേഖരിച്ചിട്ടുണ്ടെന്നും അതിന്‍റെ ഉടമകളുടെ പ്രൊഫൈലുകള്‍ പൊലീസിന്‍റെ ശ്രദ്ധയില്‍ പെടുത്തുമെന്നും അന്വേഷണവും നടപടിയും ആവശ്യപ്പെടുമെന്നും അമൃത അറിയിച്ചു. സോഷ്യല്‍ മീഡിയയിലൂടെ തന്നെയാണ് ഇക്കാര്യം അറിയിച്ചിരിക്കുന്നത്.