തിയേറ്ററിന് മുന്നിൽ ദേഹത്ത് തീ കൊളുത്താൻ ശ്രമിക്കുന്ന അജിത്ത് ആരാധകൻ! പ്രശസ്ത നടൻ പറഞ്ഞത് കേട്ട് അമ്പരന്ന് ആരാധകർ
പൊതുവെ തമിഴ് നാട്ടിൽ താരങ്ങൾക്കായി തങ്ങളുടെ ജീവൻ വരെ പണയപ്പെടുത്തുന്നവരാണ് അവിടെയുള്ളവർ. താരങ്ങളോടുള്ള തങ്ങളുടെ ആരാധനയുടെ പേരിൽ എന്തിനും മുതിരാൻ തയ്യാറായിട്ടുള്ളവരാണ് ഇവർ . തീയ്യർട്ടറിൽ തങ്ങളുടെ ഇഷ്ട താരത്തിന്റെ സിനിമ വിജയിക്കാനായി പാലഭിഷേകം മുതൽ വളരെ കഠിനമായ നേർച്ച വരെ ഇവർ നേരുന്നതാണ്. ഇതായിപ്പോൾ തമിഴകത്തിന്റെ സൂപ്പർ താരങ്ങളിലൊരാളായ അജിത്തിന്റെ സിനിമയ്ക്ക് ടിക്കറ്റ് ലഭിക്കാത്തതിനെ തുടര്‍ന്ന് ഒരു ആരാധകന്‍ ദേഹത്ത് പെട്രോള്‍ ഒഴിച്ച്‌ തീ കൊളുത്തി മരിക്കാന്‍ ശ്രമിച്ചു. ചെന്നൈയിലാണ് സംഭവം. കഴിഞ്ഞ ദിവസമായിരുന്നു അജിത്ത് പ്രധാന കഥാപാത്രമാകുന്ന നേര്‍കൊണ്ട പാര്‍വൈ റിലീസ് ആയത്. തുടർന്ന് സിനിമയ്ക്ക് ടിക്കറ്റ് ലഭിക്കാത്ത ആരാധകനാണ് ഈ സാഹസത്തിന് മുതിര്‍ന്നത്. ഇയാളെ പിന്നീട് പോലീസ് അറസ്റ്റ് ചെയ്തു.
തമിഴ് നടനും തെന്നിന്ത്യന്‍ താരങ്ങളായ ഭാഗ്യരാജിന്റെയും പൂര്‍ണിമ ഭാഗ്യരാജിന്റെയും മകനും നടനുമായ ശാന്തനു ഭാഗ്യരാജാണ സംഭവംപുറം ലോകത്തെ അറിയിച്ചത് . തന്റെ ട്വിറ്റർ അക്കൗണ്ടിലൂടെയാണ് താരം ഇക്കാര്യം അറിയിച്ചത് .
ശാന്തനുവിന്റെ ട്വീറ്റ് ഇങ്ങനെ :-
ചെന്നൈ റോയപ്പേട്ടയിലെ സത്യം സിനിമാസിലാണ് താനിപ്പോള്‍ ഉള്ളത് . അവിടെ തൊട്ടടുത്തു നില്‍ക്കുന്നയാള്‍ ദേഹത്താകെ പെട്രോള്‍ ഒഴിച്ച്‌ തീ കൊളുത്താന്‍ തീപ്പെട്ടി അന്വേഷിക്കുകയാണെന്നും ശന്തനു ട്വീറ്റ് ചെയ്തു. അജിത്ത് ചിത്രം നേര്‍കൊണ്ട പാര്‍വൈ കാണാനെത്തിയതാണ് അയാള്‍. ടിക്കറ്റ് ലഭിക്കാത്തതു സംബന്ധിച്ച വിഷയത്തില്‍ തീയേറ്റര്‍ അധികൃതരുമായി തര്‍ക്കമുണ്ടായതിനു പിന്നാലെയാണ് ജീവന്‍ കളയാനുള്ള ശ്രമം നടത്തിയത്. അജിത്ത് മാത്രമല്ല, ഒരു താരവും ഇത്തരം കാര്യങ്ങളെ പ്രോത്സാഹിപ്പിക്കില്ലെന്നും കേവലം ഒരു സിനിമാ ടിക്കറ്റിനെക്കാള്‍ വലുത് ജീവനാണെന്നും ശാന്തനു ട്വീറ്റ് ചെയ്യുന്നു. ദേഹത്ത് തീ കൊളുത്താന്‍ ശ്രമം നടത്തിയ യുവാവിനെ പോലീസ് അറസ്റ്റ് ചെയ്ത് നീക്കിയെന്നു ട്വീറ്റില്‍ പറയുന്നു. സംഭവത്തെക്കുറിച്ച്‌ ദുഷ്പ്രചരണങ്ങളോ ട്രോളുകളോ അരുതെന്നും ഇക്കാര്യം പൊതുജനശ്രദ്ധയിലേക്കെത്തിക്കാന്‍ വേണ്ടിയാണ് താന്‍ ട്വീറ്റ് ചെയ്തതെന്നുംശാന്തനു പറയുന്നു.
ajith fan – tried to suicide
