യാത്രയ്ക്കിടെ തട്ടുകട വിഭവങ്ങള്‍ പരിചയപ്പെടുത്തി പ്രീതി സിന്റ

ബോളിവുഡില്‍ നിരവധി ആരാധകരുള്ള താരമാണ് പ്രീതി സിന്റ. ഇപ്പോഴിതാ ദില്ലി സന്ദര്‍ശനത്തിനിടെ പ്രീതി പങ്കുവച്ച ചിത്രങ്ങളാണ് സോഷ്യല്‍ മീഡിയയില്‍ ശ്രദ്ധ നേടുന്നത്. ദില്ലിയിലെ ഏറെ പ്രസിദ്ധമായ തട്ടുകട വിഭവങ്ങളുടെ ചിത്രങ്ങളാണ് പ്രീതി ഇന്‍സ്റ്റഗ്രാമില്‍ പങ്കുവച്ചിരിക്കുന്നത്.

ദില്ലിയില്‍ വന്നിട്ട് ഈ വിഭവങ്ങള്‍ നഷ്ടപ്പെടുത്തുക സാധ്യമല്ലെന്നാണ് ചിത്രങ്ങള്‍ പങ്കുവച്ച് പ്രീതി കുറിച്ചത്. തന്റെ സുഹൃത്തിനൊപ്പമുള്ള ചിത്രമാണ് പ്രീതി ഇന്‍സ്റ്റഗ്രാമിലൂടെ ഷെയര്‍ ചെയ്തിരിക്കുന്നത്. പാനീപൂരി, പപ്പടി ചാട്ട്, ഛോലേ ഭട്ടൂരെ എന്നീ വിഭവങ്ങളുടെ ചിത്രങ്ങളാണ് താരം പങ്കുവച്ചത്.

1.31 ലക്ഷം പേരാണ് പ്രീതിയുടെ ഈ പോസ്റ്റ് ലൈക്ക് ചെയ്തിരിക്കുന്നത്. അടുത്ത തവണ ദില്ലിയിസെ ചാന്ദിനി ചൗക്കിലെ വിഭവങ്ങള്‍ ആസ്വദിക്കാന്‍ വരണമെന്ന് പ്രീതിയുടെ ഒപ്പമുള്ള സുഹൃത്തും ബ്യൂട്ടി ഇന്‍ഫഌവന്‍സറുമായ ഷാഗുന്‍ഖന്ന കമന്റ് ചെയ്തിട്ടുണ്ട്.

ഭര്‍ത്താവ് ജീനിനൊപ്പം യുഎസിലാണ് പ്രീതി താമസിക്കുന്നത്. വാടക ഗര്‍ഭധാരണത്തിലൂടെ ഇരട്ടക്കുഞ്ഞുങ്ങളുടെ മാതാപിതാക്കളായി എന്ന വിവരം അടുത്തിടെയാണ് പ്രീതിയും ഭര്‍ത്താവും അറിയിച്ചത്.