അത്രയ്ക്ക് വിവരം ഉണ്ടായിരുന്നുവെങ്കില്‍ ഞാന്‍ ഇന്ന് എവിടെയോ എത്തിയേനെ; മനസ്സ് തുറന്ന് അര്‍ച്ചന കവി !
ലാല്‍ ജോസ് സംവിധാനം ചെയ്ത നീലത്താമര എന്ന ചിത്രത്തിലൂടെ മലയാളി സിനിമയിലേക്ക് കടന്നു വന്ന നടിയാണ് അര്‍ച്ചന കവി. ഡല്‍ഹിയില്‍ ജനിച്ചു വളര്‍ന്ന മലയാളി പെണ്‍കുട്ടി പിന്നീട് മലയാള സിനിമയുടെ സ്വന്തമായി. വിവാഹ ശേഷം സിനിമ അഭിനയത്തില്‍ നിന്ന് വിട്ടു നില്‍ക്കുകയായിരുന്ന അര്‍ച്ചന ഇപ്പോള്‍ സീരിയലിലൂടെ മടങ്ങിയെത്തുകയാണ്. സിനിമയില്‍ നിന്ന് സീരിയലിലേക്ക് എത്തിയപ്പോള്‍ കേട്ട കുത്തുവാക്കുകളെ കുറിച്ച് നടി ഒരു മാധ്യമത്തിന് നല്‍കിയ അഭിമുഖത്തില്‍ സംസാരിക്കുകയുണ്ടായി.
സിനിമയില്‍ അവസരങ്ങള്‍ ഒന്നും കിട്ടാത്തത് കൊണ്ട് ആണ് സീരിയിലേക്ക് പോയത് എന്ന് പലരും പറഞ്ഞിട്ടുണ്ട്. ഞാന്‍ ഇടയ്ക്ക് എന്റെ മെന്റല്‍ ഹെല്‍ത്തിനെ കുറിച്ച് പറഞ്ഞിരുന്നു, അതുകൊണ്ട് എനിക്ക് ഭ്രാന്ത് ആണ് എന്ന് പറഞ്ഞവരും ഉണ്ട്. പക്ഷെ അത്തരം നെഗറ്റീവ് കമന്റുകള്‍ക്ക് ഒന്നും ഞാന്‍ അധികം സീരിയസ്‌നസ്സ് കൊടുക്കാറില്ല.
പക്ഷെ അതേ സമയം അഭിനയത്തിലേക്ക് തിരിച്ചുവരുന്നു എന്ന് അറിഞ്ഞപ്പോള്‍ ആശംസ അറിയിച്ച് പലരും വന്നിരുന്നു. അജു ആണ് എനിക്ക് ഏറ്റവും ആദ്യം അഭിനന്ദനം അറിയിച്ചത്. ട്രെയിലര്‍ കണ്ടിരുന്നു, നന്നായിട്ടുണ്ട്. കൊച്ചിയില്‍ ഉണ്ടാവുമല്ലോ കാണണം എന്നൊക്കെ പറഞ്ഞായിരുന്നു അജുവിന്റെ മെസേജ്. അത് ഞാന്‍ ഒട്ടും പ്രതീക്ഷിക്കാത്ത മെസേജ് ആയിരുന്നു. വെല്‍കം ബാക്ക് എന്നൊക്കെ പറഞ്ഞ് ധാരാളം മെസേജുകള്‍ വന്നിരുന്നു.
പത്തൊന്‍പതാം വയസ്സിലാണ് നീലത്താമര എന്ന ചിത്ര ചെയ്യുന്നത്. വളരെ യാദൃശ്ചികമായിട്ട് ആണ് അഭിനയ രംഗത്തേക്ക് വന്നത്. സിനിമ എന്താണെന്നോ അഭിനയം എന്താണെന്നോ ഒന്നും അറിയില്ലായിരുന്നു. അത്രയെങ്കിലും വിവരം ഉണ്ടായിരുന്നുവെങ്കില്‍ ഞാന്‍ ഇന്ന് എവിടെയോ എത്തിയേനെ. ഇത് ചെയ്യണം എന്ന് പറയുമ്പോള്‍ ഇത് ചെയ്യും, അത് എന്ന് പറയുമ്പോള്‍ അത് ചെയ്യും. അത്ര തന്നെ. പിന്നീടാണ് ഞാന്‍ സിനിമയെ കുറിച്ച് കൂടുതല്‍ മനസ്സിലാക്കി തുടങ്ങിയത്.
സീരിയലില്‍ നിന്നും എനിക്ക് നേരത്തെയും അവസരങ്ങള്‍ വന്നിട്ടുണ്ട്. അപ്പോഴൊക്കെ സീരിയലോ, ഞാനോ എന്ന ചിന്തയായിരുന്നു. കാഴ്ചപാട് മാറിയപ്പോള്‍ എന്റെ തെറ്റിദ്ധാരണയും മാറി. റാണി രാജ എന്ന സീരിയലില്‍ എന്നെ ആകര്‍ഷിച്ചത് ആ കഥാപാത്രവും കഥയും തന്നെയാണ്. ഇനി മുന്നോട്ട് എങ്ങിനെയാണ് എന്ന് പ്രവചിക്കാന്‍ പറ്റാത്ത സംഭവമാണ് സീരിയല്‍. പക്ഷെ എന്നോട് പറഞ്ഞ ഔട്ട്‌ലുക്ക് എനിക്ക് ഇഷ്ടമായി- അര്‍ച്ചന കവി പറഞ്ഞു
