വീട്ടിൽ കഞ്ചാവ് ഇലയും വിത്തുകളും, എല്ലാം ഡോക്ടറുടെ നിർദ്ദേശ പ്രകാരം, കഞ്ചാവ് വിട്ടൊരു കളിയില്ല!!രഹസ്യ വിവരത്തെ തുടർന്ന് നടി അശ്വതിയുടെ വീട്ടിൽ എത്തിയ എക്സൈസ് കണ്ടത്! ആളൊരു കില്ലാഡി തന്നെ!!

അമിതമായി ലഹരി ഉപയോഗിച്ചശേഷം അപകടകരമായി വാഹനമോടിച്ചു നിരവധി വാഹനങ്ങൾ ഇടിച്ചു തെറിപ്പിച്ചതിനെ തുടർന്നു സിനിമാ, സീരിയൽ നടി അശ്വതിബാബുവും കൂട്ടാളിയും കസ്റ്റഡിയിലായതോടെ പുറത്ത് വരുന്നത് ഭയാനകമായ വിവരങ്ങളാണ്. പെൺവാണിഭവും, ലഹരിമരുന്ന് കച്ചവടവും പൊടിപൊടിക്കുന്ന കണ്ണിയിൽ മുഖ്യ സൂത്രധാരകയായി വളർന്ന അശ്വതിയുടെ ജീവിതം എല്ലാവരെയും ഞെട്ടിപ്പിക്കുന്നതാണ്. കഴിഞ്ഞ ദിവസം ഇവരുടെ വീട്ടിൽ നിന്നും കഞ്ചാവ് പിടികൂടി.

അശ്വതി ബാബുവും സുഹൃത്ത് നൗഫലും താമസിച്ചിരുന്ന വീട്ടിൽനിന്ന് എക്സൈസാണ് കഞ്ചാവ് പിടികൂടിയത്. കൂനമ്മാവിൽ ഇവർ താമസിക്കുന്ന വീട്ടിൽ നിന്നാണ് കഞ്ചാവ് ഇലയും വിത്തുകളും പിടികൂടിയത്. ഉയർന്ന അളവിൽ കഞ്ചാവ് ഇവർ സൂക്ഷിക്കുന്നുണ്ടെന്നും വിൽപന നടത്തുന്നുണ്ടെന്നുമുള്ള രഹസ്യ വിവരത്തെ തുടർന്ന് പറവൂർ എക്സൈസ് സർക്കിൾ ഇൻസ്പെക്ടർ എസ്.നിജുമോനും സംഘവും നടത്തിയ തിരച്ചിലിലാണ് ലഹരി കണ്ടെടുത്തത്.

ഡോക്ടറുടെ നിർദേശപ്രകാരം സിന്തറ്റിക് ലഹരിയിൽനിന്നു മോചനം നേടുന്നതിനാണ് കഞ്ചാവ് ഉപയോഗിക്കുന്നത് എന്നാണ് അശ്വതിയുടെ വിശദീകരണം. കേസെടുത്ത് അറസ്റ്റ് ചെയ്തെങ്കിലും 10 ഗ്രാമിൽ താഴെ അളവിലുള്ള ലഹരി മാത്രമെ കണ്ടെത്തിയുള്ളൂ എന്നതിനാൽ വിട്ടയയ്ക്കുകയായിരുന്നു. ഇവർ നേരത്തേ മുതൽതന്നെ ലഹരി ഉപയോഗവുമായി ബന്ധപ്പെട്ട് നിരീക്ഷണത്തിലാണ്.

ലഹരിമരുന്നുകളുമായി മുൻപും അശ്വതി പിടിയിലായിട്ടുണ്ട്. ലഹരി ഉപയോഗിച്ചതിന് 2016ൽ ദുബായിൽ വെച്ച് അശ്വതി ബാബു പിടിയിലായിട്ടുണ്ട്.

2017ൽ കാറിൽ എംഡിഎംഎയുമായി പിടിയിലായിരുന്നു. ലഹരിക്ക് അടിമയായിരുന്ന ഇവർ മറ്റു വഴികളിലൂടെ ഇതിനുള്ള പണം കണ്ടെത്തിയിരുന്നു എന്നായിരുന്നു അന്വേഷണ സംഘം വെളിപ്പെടുത്തിയത്. പുറത്തു വിട്ടാലും ലഹരി ഉപയോഗിക്കാതെ ജീവിക്കാൻ പറ്റില്ലെന്നായിരുന്നു അന്ന് പൊലീസിനോടു പറഞ്ഞത്. വിൽപനയേക്കാൾ ഉപയോഗിക്കുന്നതിനാണ് ലഹരിവസ്തുക്കൾ മുംബൈയിൽനിന്നും ബെംഗളുരുവിൽനിന്നും മറ്റും ഇവർ എത്തിച്ചിരുന്നത്. ഇപ്പോൾ ഇവർക്കു ലഹരി ഇടപാടുള്ളതായാണ് അന്വേഷണ സംഘത്തന്റെ വിലയിരുത്തൽ.

നിരവധി സിനിമകളിലും സീരിയലിലും അഭിനയിച്ചിരുന്ന ഇവർക്ക് അവസരങ്ങൾ ഇല്ലാതായതോടെ നിയമവിരുദ്ധ പ്രവർത്തനങ്ങളിൽ ഏർപ്പെടുകയായിരുന്നു.

ചൊവ്വാഴ്ച വൈകിട്ടാണ് അശ്വതി ബാബുവും സുഹൃത്തായ നൗഫലും സഞ്ചരിച്ച വാഹനം നിരവധി വാഹനങ്ങളുമായി ഇടിച്ചത്. കുസാറ്റ് ജംഗ്ഷൻ മുതൽ തൃക്കാക്കര ക്ഷേത്രം വരെയുള്ള റോഡിലൂടെയായിരുന്നു ഇരുവരുടെയും സാഹസിക ഡ്രൈവിംഗ്. തൃക്കാക്കര ക്ഷേത്രത്തിന് സമീപത്തെത്തിയപ്പോൾ നാട്ടുകാർ ഇവരുടെ വാഹനം തടയാൻ ശ്രമിച്ചു. ഇതോടെ വാഹനം വീണ്ടും അമിത വേഗതയിൽ മുന്നോട്ട് എടുക്കാൻ ശ്രമിച്ചു. എന്നാൽ കാറിന്റെ ടയർ പൊട്ടിയതോടെ ശ്രമം വിഫലമായി. വാഹനം ഉപേക്ഷിച്ച് രക്ഷപെടാൻ ശ്രമിച്ചെങ്കിലും ഇത് നടന്നില്ല. നാട്ടുകാർ അറിയിച്ചതിനെ തുടർന്ന് സ്ഥലത്തെത്തിയ തൃക്കാക്കര പോലീസ് ഇരുവരേയും കസ്റ്റഡിയിൽ എടുക്കുകയായിരുന്നു. ഈ സംഭവത്തിൽ മദ്യപിച്ച് വാഹനം ഓടിച്ചതിന് മാത്രമാണ് പോലീസ് കേസെടുത്തത്.