നടൻ പർവീൺ ദാസിന് കാർ അപകടത്തിൽ പരിക്ക്; നില അതീവ ​ഗുരുതരമെന്ന് വിവരം

നിരവധി ആരാധകരുള്ള ബോളിവുഡ് നടനാണ് പർവീൺ ദാസ്. ഇപ്പോഴിതാ പുറത്ത് വരുന്ന വിവരങ്ങൾ പ്രകാരം നടന് കാർ അപകടത്തിൽ ​ഗുരുതര പരിക്ക് പറ്റിയിരിക്കുകയാണ്. ഇക്കഴിഞ്ഞ ശനിയാഴ്ചയാണ് സംഭവം. നിലവിൽ നടനെ ബാന്ദ്രയിലെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്.

അപകടത്തേക്കുറിച്ചുള്ള കൂടുതൽ വിവരങ്ങൾ പുറത്തുവരാനിരിക്കുന്നു. ഈ വെല്ലുവിളി നിറഞ്ഞ സമയത്ത് ഞങ്ങളുടെ മനസ്സ് പർവീണിനും കുടുംബത്തിനുമൊപ്പമാണ്. പ്രോ പഞ്ചാ ലീ​ഗ് സാഹചര്യം സൂക്ഷ്മമായി നിരീക്ഷിച്ചുവരികയാണ്. വിവരങ്ങൾ അതാത് സമയത്ത് തന്നെ പുറത്തുവിടുന്നതായിരിക്കും.

പർവീണിന്റെയും അദ്ദേഹത്തിന്റെ പ്രിയപ്പെട്ടവരുടേയും സ്വകാര്യതയെ ഏവരും മാനിക്കുകയാണ് ഇപ്പോൾ ചെയ്യേണ്ടത്. അദ്ദേഹത്തിന് അതിവേ​ഗത്തിൽ പൂർണ ആരോ​ഗ്യത്തിലേയ്ക്ക് തിരിച്ചുവരട്ടേ എന്നാണ് പ്രോ പഞ്ചാ ലീ​ഗ് അം​ഗങ്ങൾ വ്യക്തമാക്കുന്നത്. പ്രോ പഞ്ചാ ലീ​ഗിന്റെ സഹ-സ്ഥാപകൻ കൂടിയാണ് താരം.

ഖോസ്‌ലാ കാ ഘോസ്‌ലാ, മൈ നെയിം ഈസ് ഖാൻ, മൺസൂൺ വെഡ്ഡിങ്, രാ​ഗിണി MMS 2 തുടങ്ങിയ ചിത്രങ്ങളിലൂടെ ശ്രദ്ധേയനായ നടനാണ് പർവീൺ ദബസ്. ആമസോൺ പ്രൈമിലൂടെ പുറത്തിറങ്ങിയ ‘ശരംജീ കി ബേട്ടി’യിലാണ് അദ്ദേഹം ഒടുവിൽ വേഷമിട്ടത്.