featured
ജനറല്‍ ബോഡി യോഗത്തിന്റെ അവസാനം സഹപ്രവർത്തകർക്കൊപ്പം നിലത്തിരുന്ന് ഫോട്ടോയ്ക്ക് പോസ് ചെയ്ത് മമ്മൂട്ടി, മോഹന്‍ലാലും സിദ്ദിഖും കസേരയിൽ; ചിത്രം വൈറൽ
ജനറല്‍ ബോഡി യോഗത്തിന്റെ അവസാനം സഹപ്രവർത്തകർക്കൊപ്പം നിലത്തിരുന്ന് ഫോട്ടോയ്ക്ക് പോസ് ചെയ്ത് മമ്മൂട്ടി, മോഹന്‍ലാലും സിദ്ദിഖും കസേരയിൽ; ചിത്രം വൈറൽ
ഇന്നലെയായിരുന്നു അമ്മ ജനറല്‍ ബോഡി യോഗം കൊച്ചിയിൽ നടന്നത്. യോഗത്തില്‍ താരങ്ങള്‍ക്കൊപ്പം നിലത്തിരുന്ന് ഫോട്ടോയ്ക്ക് പോസ് ചെയ്തിരിക്കുകയാണ് മമ്മൂട്ടി. ജനറല്‍ ബോഡി യോഗത്തിന്റെ അവസാനം അമ്മ അംഗങ്ങള്‍ ഒരുമിച്ചുള്ള ഗ്രൂപ്പ് ഫോട്ടോ സെക്ഷനിലാണ് സഹപ്രവര്‍ത്തകര്‍ക്കൊപ്പം മമ്മൂട്ടി നിലത്തിരുന്ന് ഫോട്ടോയ്ക്ക് പോസ് ചെയ്തത്. അതേസമയം, മോഹന്‍ലാലും സിദ്ദിഖും മറ്റും കസേരകളിലാണ് ഇരുന്നത്.
ഞായറാഴ്ച കൊച്ചിയില്‍ ചേര്‍ന്ന ജനറല്‍ ബോഡി യോഗത്തില്‍ മോഹന്‍ലാല്‍, മമ്മൂട്ടി, സുരേഷ് ഗോപി, ടൊവിനോ തോമസ്, ആസിഫ് അലി തുടങ്ങി നിരവധി താരങ്ങള്‍ പങ്കെടുത്തു.
ഞായറാഴ്ച കൊച്ചിയില്‍ ചേര്‍ന്ന ജനറല്‍ ബോഡി യോഗത്തില്‍ മോഹന്‍ലാല്‍, മമ്മൂട്ടി, സുരേഷ് ഗോപി, ടൊവിനോ തോമസ്, ആസിഫ് അലി തുടങ്ങി നിരവധി താരങ്ങള്‍ പങ്കെടുത്തു.
അതേസമയം സംഘടനയിലെ അംഗങ്ങള്‍ക്ക് വേണ്ടി ഒരു ജീരിയാട്രിക് സെന്റര്‍ തുടങ്ങാന്‍ അമ്മയുടെ യോഗത്തില്‍ തീരുമാനമായി. അംഗങ്ങളെ ജീവിതകാലം മുഴുവന്‍ സംരക്ഷിക്കുക എന്ന ഉദ്ദേശത്തോടെയാണ് പദ്ധതി നടപ്പിലാക്കുക. ഏതെങ്കിലും ആശുപത്രിയുടെ സഹായത്തോടെ അവരെ ഏറ്റവും നന്നായി നോക്കാനാണ് ഇത്തരമൊരു പ്രസ്ഥാനത്തിന് രൂപം നല്‍കുന്നതെന്ന് സംഘടന പ്രസിഡന്റ് മോഹന്‍ലാല്‍ പറഞ്ഞു.
പലരും വയസാകുമ്പോള്‍ ഒറ്റപ്പെട്ട പോകുന്നുവെന്ന് തോന്നല്‍ ഞങ്ങള്‍ക്ക് ഉണ്ടായി. 28 വര്‍ഷത്തോളം കൂടെയുണ്ടായിരുന്നവരെ നോക്കേണ്ട ഉത്തരവാദിത്തം ‘അമ്മ’ക്കുണ്ട്. പദ്ധതി അതിവേഗത്തില്‍ സംഭവിക്കുന്നതല്ലെന്നും തുടക്കം കുറിക്കുകയാണെന്നും മോഹന്‍ലാല്‍ വ്യക്തമാക്കി.
സംഘടനയിലെ അംഗത്വ ഫീസ്, വരിസംഖ്യ എന്നിവ ഉയര്‍ത്തിയതാണ് യോഗത്തിലുണ്ടായ മറ്റൊരു തീരുമാനം. അംഗത്വ ഫീസ് ജിഎസ്ടി അടക്കം 2,0500 രൂപയായി ഉയര്‍ത്തിയതായി ജനറല്‍ സെക്രട്ടറി ഇടവേള ബാബു അറിയിച്ചു. സാമ്പത്തിക മൂലധനം ഉയര്‍ത്തുന്നതിന് ചില ഷോകള്‍ ചെയ്യാന്‍ സംഘടന തീരുമാനിച്ചിട്ടുണ്ടെന്നും ഇടവേള ബാബു പറഞ്ഞു.
