ഞാന്‍ ഒരു ഭക്ഷണപ്രിയനാണ്;എന്നാൽ ആദ്യമായി ഞാന്‍ 30 നോമ്ബു പിടിച്ചു!

ലോക്ക്ഡൗണിന്റെ തുടക്കത്തില്‍ ഭക്ഷണത്തിന് പിന്നാലെയായിരുന്ന ടൊവിനോ തോമസ് ശരീരഭാരം കൂടുമെന്ന പേടിയില്‍ ആദ്യമായി 30 ദിവസത്തെ റംസാന്‍ നോമ്ബ് പിടിച്ചിരിക്കുകയാണ്. ഒരു പ്രമുഖ മാധ്യമത്തിന് നൽകിയ അഭിമുഖത്തിലാണ് ലോക്ക്ഡൗണിലെ ഭക്ഷണ വിശേഷത്തെക്കുറിച്ച്‌ ടോവിനോ വാചാലനായത്.

“ഞാന്‍ ഒരു ഭക്ഷണപ്രിയനാണ്. വീട്ടില്‍ ഇക്കുറി ചക്കയുടെ ആഘോഷം പോലെയായിരുന്നു. ഇതൊരു സീസണല്‍ പഴമായതുകൊണ്ടു തന്നെ, അതുകൊണ്ടുണ്ടാക്കുന്ന ഒരു വിഭവവും വേണ്ടെന്ന് വയ്ക്കാന്‍ എനിക്ക് പറ്റില്ല. അതിനാല്‍ ലോക്ക്ഡൗണിന്റെ ആദ്യ ദിവസങ്ങളില്‍ ഞാന്‍ ഭക്ഷണ ക്രമം ഒന്നും നോക്കിയില്ല. പക്ഷെ ശരീരഭാരം കൂടുന്നു എന്ന് മനസിലായപ്പോള്‍ ഞാന്‍ നിയന്ത്രിച്ചു. കാരണം സിനിമയിലെ കഥാപാത്രത്തിന്റെ തുടര്‍ച്ച നഷ്ടമാകരുതല്ലോ. അപ്പോഴാണ് 30 ദിവസത്തെ റംസാന്‍ നോമ്ബ് ആരംഭിച്ചത്. അങ്ങനെ ആദ്യമായി ഞാന്‍ 30 നോമ്ബും പിടിച്ചു,” ടൊവിനോ പറഞ്ഞു.

about tovino thomas