ഞാൻ പ്രണയിക്കപ്പെട്ടിട്ടുണ്ട് ,കാമിക്കപ്പെട്ടിട്ടുണ്ട്,വഞ്ചിക്കപ്പെട്ടിട്ടുണ്ട്! അതിനെ കാസ്റ്റിംഗ് കൗച്ച് എന്ന് പറയാൻ പറ്റുമോ?

സിനിമയിൽ വളരെ കുറച്ചു വേഷങ്ങളിൽ മാത്രമാണ് പ്രത്യക്ഷപ്പെട്ടിട്ടുള്ളതെങ്കിലും മലയാളികൾക്ക് സുപരിചിതയായ നടിയാണ് ഹിമ ശങ്കർ.സോഷ്യൽ മീഡിയയിൽ ഒരുപാട് വിമർശനങ്ങൾ താരം നേരിടേണ്ടി വന്നിട്ടുണ്ട്.എന്നാൽ അതൊക്കെയും സത്യങ്ങൾ തുറന്നു പറഞ്ഞതിനായിരുന്നു എന്ന മാത്രം.സിനിമയിലെ അഡ്ജസ്റ്റ്മെന്റുകളെക്കുറിച്ച് തുറന്നു പറഞ്ഞപ്പോൾ കുറച്ച് മാധ്യമങ്ങളല്ലാതെ ഡബ്ല്യുസിസിക്കാർ പോലും തന്നെ പിന്തുണച്ചില്ലെന്നും അഭിപ്രായങ്ങൾ തുറന്നു പറഞ്ഞതിന്റെ പേരിൽ അവസരങ്ങൾ നഷ്ടപ്പെട്ടിട്ടുണ്ടെന്നും നടി ഹിമ ശങ്കർ ഒരു പ്രമുഖ മാധ്യമത്തോട് വെളിപ്പെടുത്തിയിരുന്നു..ഇപ്പോളിതാ മെട്രോമാറ്റിനിയോട് കൂടുതൽ വെളിപ്പെടുത്തൽ നടത്തുകയാണ് ഹിമ.

ഹിമയുടെ വാക്കുകൾ

സിനിമയിൽ കാസ്റ്റിംഗ് കൗച്ച് തനിക്കും നേരിടേണ്ടിവന്നിട്ടുണ്ട്.പലരും തന്നെ അങ്ങനെ ഒരു ആവശ്യം പറഞ്ഞ് സമീപിച്ചിട്ടുണ്ടന്ന് ഹിമ പറയുന്നു. ഇത് തുറന്നു പറയുമ്പോൾ ആരും അത് അംഗീകരിക്കുന്നില്ല.ഇതൊന്നും വെറുതെ ആരും പറയില്ലെന്ന് ചിന്ദിക്കണം.എനിക്ക് ഇതല്ല പണി.എന്റെ ശരീരം ഞാൻ മറ്റ് പലതിനും ഉപയോഗിക്കുന്നുണ്ട്.അവസരങ്ങൾക്കായി അഡ്ജസ്റ് ചെയ്യാൻ പലരും നിർബബന്ധിക്കപ്പെട്ടിട്ടുണ്ട്.ഇത് ഇല്ലാതെ ഒന്നും നടക്കില്ല എന്ന് വരുമ്പോഴാണ് പലർക്കും അങ്ങനെ ചെയ്യേണ്ടി വരുന്നത്.ചിലർ ചോദിച്ചിട്ടുണ്ട്,പലരും അവസരങ്ങൾക്കായി വഴങ്ങിക്കൊടുത്തിട്ട് പിന്നീട് ആരോപണം ഉയർത്തുന്നതിൽ എന്താണ് കാര്യം എന്ന്.എന്നാൽ ഒരടിമ എന്നും അടിമയായി തന്നെ ഇരിക്കണം എന്നാണോ നിങ്ങൾ പാറയുന്നത്.അവർക്ക് ഒരു സ്പേസ് കിട്ടിയാൽ അവർ പ്രതികരിക്കില്ലേയെന്നും ഹിമ ചോദിക്കുന്നു.

എനിക്ക് ഒരുകാര്യങ്ങളും പിന്നത്തേക്ക് വെയ്ക്കുന്നത് ഇഷ്ടമല്ല.അടിയാണെങ്കിൽ അടി അത് അപ്പൊത്തന്നെ കൊടുക്കണം അതുകൊണ്ട് എനിക്ക് ഒരു മീ ടു ആരോപണത്തിന്റെ ആവശ്യമില്ല.എന്നാൽ എന്നെപ്പോലെയല്ല പലരും സൈലെന്സ ചെയ്യപ്പെട്ടവരായിരിക്കാം, നിർബന്ധിക്കപ്പെട്ടവരായിരിക്കാം അപ്പൊൾ അവർ മിണ്ടാതെ ഇരിക്കണം എന്നാണോ..അവർക്ക് ഒരു സ്പേസ് കിട്ടിയാൽ സംസാരിക്കണ്ടേയെന്നും ഹിമ പ്രതികരിക്കുന്നു.

അങ്ങനെ വഴങ്ങിക്കൊടുത്തിട്ടുള്ളവർ പലരും നിവർത്തികേടുകൊണ്ടായിരിക്കും.പലരും റേപ്പ് ചെയ്യപ്പെട്ടിട്ടുണ്ടാവാം അവർ ഒക്കെ സൈലന്സ ചെയ്യപ്പെട്ടു.തുടക്ക കാലത്ത് വിളിക്കുമ്പോൾ പലരും പറഞ്ഞിട്ടുണ്ട് ഇത് അഡ്ജസ്റ്മെന്റ് വർക്കാണ് പറ്റുമോയെന്ന്.അപ്പൊ തന്നെ പറ്റില്ല വേണ്ടായെന്ന് പറഞ്ഞിട്ടുണ്ട്.പിന്നെ ആരും വിളിച്ചിട്ടില്ല.നമ്മൾ താല്പര്യം ഇല്ലന്ന് പറഞ്ഞാൽ അവടെ തീരും.എന്നാൽ പലർക്കും നിവർത്തികേടുകൊണ്ട് അങ്ങനെ പറയാൻ പറ്റുന്നില്ല എന്നതാണ് സത്യം.

തന്റെ പ്രണയത്തെക്കുറിച്ചും ഹിമ തുറന്നു പറയുന്നു.

ഞാൻ പ്രണയിക്കപ്പെട്ടിട്ടുണ്ട് ,കാമിക്കപ്പെട്ടിട്ടുണ്ട്,വഞ്ചിക്കപ്പെട്ടിട്ടുണ്ട്,അതിൽ നിന്ന് കയറിവന്നിട്ടുണ്ട് തിരിച്ച് പണിയും കൊടുത്തിട്ടുണ്ട്.എന്നെ ഒരാൾ മിസ് യൂസ് ചെയ്യുകയാണെങ്കിൽ അത് എന്റെ കുടി തെറ്റാണെന്നും അതിൽ ആരേം കുറ്റം പറയുന്നില്ലെന്നും ഹിമ പറയുന്നുണ്ട്.എന്നാൽ അതിനെ കാസ്റ്റിംഗ് കൗച്ചുമായ് എങ്ങനെ താരതമ്യപ്പെടുത്തും.അതൊക്കെ എന്റെ പേർസണൽ മിസ്റ്റേക്ക് അല്ലെയെന്നാണ് ഹിമ ചോദിക്കുന്നത്.

ABOUT HIMA SHANKAR