Malayalam
നിങ്ങളുടെ ആരുടേയും വീട്ടിലല്ല ഞാന് വന്നു നില്ക്കുന്നത്. എനിക്ക് കല്യാണം കഴിക്കണം എന്ന് തോന്നിയാല് എന്റെ അച്ഛനും അമ്മയും ചേട്ടനുമൊക്കെ ചേര്ന്ന് അത് നടത്തും!
നിങ്ങളുടെ ആരുടേയും വീട്ടിലല്ല ഞാന് വന്നു നില്ക്കുന്നത്. എനിക്ക് കല്യാണം കഴിക്കണം എന്ന് തോന്നിയാല് എന്റെ അച്ഛനും അമ്മയും ചേട്ടനുമൊക്കെ ചേര്ന്ന് അത് നടത്തും!
കൊറോണ കാലത്ത് സോഷ്യൽ മീഡിയയിൽ ഏറ്റവും കൂടുതൽ സജീവമായ താരങ്ങളിൽ ഒരാളാണ് അനുശ്രീ.കഴിഞ്ഞ ദിവസം അനുശ്രീ തന്റെ സഹോദരനൊപ്പമുള്ള വീഡിയോ സോഷ്യൽ മീഡിയയിൽ പങ്കുവെച്ചിരുന്നു.ജ്യേഷ്ഠസഹോദരന് സ്പാ ചെയ്തു കൊടുക്കുന്നതാണ് വീഡിയോ. എന്നാല് ചില ആളുകള് അതില് കുറ്റം കണ്ടെത്തുകയും വിമര്ശിക്കുകയും പരിഹസിക്കുകയും ചെയ്തു. ഇവര്ക്ക് മറുപടിയുമായി അനുശ്രീ തന്നെ രംഗത്തെത്തിയിരിക്കുകയാണ്.
നെഗറ്റീവ് കമന്റ് ചെയ്ത ഓരോരുത്തരുടേയും പേര് എടുത്ത് പറഞ്ഞാണ് അനുശ്രീ ലൈവിലൂടെ മറുപടി നല്കിയത്. ആങ്ങളയ്ക്ക് അനുശ്രീയക്കൊണ്ട് കാര്യമുണ്ട് എന്നായിരുന്നു ഒരാളുടെ കമന്റ്. എന്നാല് താന് ജീവിക്കുന്ന കുടുംബത്തില് അച്ഛനും അമ്മയും ചേട്ടനും അനിയത്തിയുമൊക്കെ പരസ്പരം സ്നേഹിച്ചു സഹകരിച്ചും തന്നെയാണ് കഴിയുന്നതെന്നും പരസ്പരം ഒരുപാട് കാര്യങ്ങള് ഉണ്ടെന്നും താരം പറയുന്നു.
അനുശ്രീയെ കല്യാണം കഴിപ്പിച്ച് വിടണം എന്നായിരുന്നു മറ്റ് ചിലര് പോസ്റ്റില് കമന്റ് ചെയ്തത്. എന്നാല് ഇവര്ക്കും വായടപ്പിക്കുന്ന മറുപടിയാണ് താരം നല്കിയത്. നിങ്ങളുടെ ആരുടേയും വീട്ടിലല്ല ഞാന് വന്നു നില്ക്കുന്നത്. എനിക്ക് കല്യാണം കഴിക്കണം എന്ന് തോന്നിയാല് എന്റെ അച്ഛനും അമ്മയും ചേട്ടനുമൊക്കെ ചേര്ന്ന് അത് നടത്തും.
അതിന് നിങ്ങളാരും ബുദ്ധമുട്ടേണ്ട. കല്യാണം കഴിച്ചാല് പിന്നീട് ഡിവോഴ്സ് എന്നാണെന്നല്ലെ നിങ്ങള് ഞങ്ങളോട് ചോദിക്കാറ്- എന്ന് അനുശ്രീ പറഞ്ഞു. താന് ഓവര് ആക്ടിംഗ് ആണ് സിനിമയിലും ജീവിതത്തിലും എന്ന് പറഞ്ഞയാളോട് അതുകൊണ്ടായിരിക്കും താന് എട്ട് വര്ഷം അഭിനയ രംഗത്ത് പിടിച്ച് നിന്നത് എന്നും ജീവിതത്തില് ഓവര് ആക്ടിംഗ് ആണെന്ന് പറയാന് നിങ്ങള്ക്കെന്നെ നേരില് കണ്ട് പരിചയമൊന്നും ഇല്ലല്ലോ എന്നും അവര് പറയുന്നു. നെഗറ്റീവ് കമന്റ് നല്കിയവരുടെ ഫോണ് നന്പരുകള് ഉണ്ടായിരുന്നെങ്കില് നേരില് വിളിച്ച് മറുപടി പറയുമായിരുന്നു എന്നും അതിന് സാഹചര്യമില്ലാത്തതുകൊണ്ടാണ് ലൈവില് വന്നതെന്നും അനുശ്രീ വ്യക്തമാക്കി.
about anu sree