അവൾ സ്‌കൂളില്‍ നിന്നും വരുമ്പോള്‍ ഞാന്‍ വീട്ടിലുണ്ടെങ്കില്‍ എന്നോട് വിശേഷങ്ങള്‍ പറയും , ഞാന്‍ എല്ലാ കാര്യങ്ങളെക്കുറിച്ചുംചോദിക്കാറുണ്ട്; പാപ്പുവിനൊപ്പമുള്ള പുതിയ വീഡിയോയുമായി അഭിരാമി സുരേഷ്

ഗായിക അമൃത സുരേഷിനെ പോലെ തന്നെ അഭിരാമി സുരേഷിനെയും പ്രേക്ഷകർക്ക് പരിചിതമാണ്. ഗായികയായും അഭിനയത്രിയായും അഭിരാമി നിറഞ്ഞ് നിന്നിരുന്നു. സോഷ്യൽ മീഡിയയിൽ സജീവമായ അഭിരാമിയ്ക്ക് സ്വന്തമായി ഒരു യൂട്യൂബ് ചാനലുമുണ്ട്

ഇപ്പോഴിതാ തന്റെ സഹോദരി അമൃതയുടെ മകൾ പാപ്പുവിനെ സ്‌കൂളില്‍ നിന്നും തിരിച്ച് വിളിക്കാനായി പോയതിനെക്കുറിച്ച് പറഞ്ഞുള്ള അഭിരാമിയുടെ വീഡിയോ വൈറലായിക്കൊണ്ടിരിക്കുകയാണ്. ഡാന്‍സ് പ്രാക്ടീസൊക്കെ കഴിഞ്ഞ് വരികയാണ്. ഞാനാണ് വിളിക്കാന്‍ വരുന്നതെന്ന് അവള്‍ക്കറിയില്ല. അഭിയോണ്ട എന്നാണ് പാപ്പു അഭിരാമിയെ വിളിക്കാറുള്ളത്. എന്തൊക്കെയാണ് ഇന്ന് നടന്നതെന്നായിരുന്നു അഭി പാപ്പുവിനോട് ചോദിച്ചത്. ഡാന്‍സ് പ്രാക്ടീസ് നടക്കുന്നുണ്ട്. രണ്ടാഴ്ചയായി ക്ലാസ് ശരിക്കും നടന്നിട്ട് എന്നായിരുന്നു പാപ്പു പറഞ്ഞത്.

എന്താണ് ഡാന്‍സിന്റെ പാട്ടെന്നും അഭിരാമി പാപ്പുവിനോട് ചോദിച്ചിരുന്നു. അതെനിക്കറിയില്ലെന്നായിരുന്നു പാപ്പു പറഞ്ഞത്. ക്ലാസ് നടക്കാത്തതില്‍ സങ്കടമാണ്. പഠിക്കാന്‍ ഇഷ്ടമാണെന്നുമായിരുന്നു പാപ്പു പറഞ്ഞത്. ഞങ്ങള്‍ ജീവനോടെയുണ്ടെന്ന് കാണിക്കാനായി വന്നതാണ്. പാപ്പു സ്‌കൂളില്‍ നിന്നും വരുമ്പോള്‍ ഞാന്‍ വീട്ടിലുണ്ടെങ്കില്‍ എന്നോട് വിശേഷങ്ങള്‍ പറയും. ഞാന്‍ എല്ലാ കാര്യങ്ങളെക്കുറിച്ചെല്ലാം ചോദിക്കാറുണ്ട്. അവളുടെ ഫ്രണ്ട്‌സിന്റെ വിശേഷങ്ങളെല്ലാം ഞാന്‍ ചോദിച്ചറിയാറുണ്ട്.

നിരവധി പേരായിരുന്നു വീഡിയോയ്ക്ക് താഴെ കമന്റുകളുമായെത്തിയത്. അവള്‍ എന്റെ മോളാണെന്നായിരുന്നു പാപ്പുവിനെക്കുറിച്ച് അഭിരാമി പറഞ്ഞത്. നിങ്ങള്‍ രണ്ടാളും നല്ല കോമ്പിനേഷനാണെന്നായിരുന്നു ആരാധകരെല്ലാം പറഞ്ഞത്. പാപ്പുവിന്റെ കാര്യങ്ങള്‍ ഞങ്ങള്‍ കൃത്യമായി തന്നെ നോക്കുന്നുണ്ട്. അവള്‍ക്ക് മികച്ച വിദ്യാഭ്യാസം തന്നെ നല്‍കുന്നുണ്ടെന്നും നേരത്തെ അഭിരാമി പറഞ്ഞത്. ബിഗ് ബോസിലായിരുന്ന സമയത്ത് ഞങ്ങള്‍ ഏറ്റവും കൂടുതല്‍ മിസ് ചെയ്തത് പാപ്പുവിനെയാണെന്ന് അമൃതയും അഭിരാമിയും പറഞ്ഞിരുന്നു. രണ്ട് പേരാണെങ്കിലും ഇവരെ ഒരു മത്സരാര്‍ത്ഥിയായാണ് ബിഗ് ബോസ് പരിഗണിച്ചത്. മൂത്ത മകള്‍ അഭിരാമിയാണെന്നായിരുന്നു അമൃത അഭിരാമിയെ വിശേഷിപ്പിച്ചത്. പല കാര്യങ്ങളിലും വ്യത്യസ്തമായ അഭിപ്രായവും വഴക്കുകളുമൊക്കെയുണ്ടാവാറുണ്ടെന്നുമായിരുന്നു ഇരുവരും പറഞ്ഞത്.