വെറും നാല് ദിവസത്തെ വിവാഹ ബന്ധത്തിന് ഫുൾസ്റ്റോപ്പിട്ട് താരദമ്പതികൾ

പൊതുവെ താരങ്ങളുടെ  വാർത്തയെന്നാൽ  ആളുകളെ  ത്രസിപ്പിക്കുന്ന ഒന്നാണ് . അതും  പ്രത്യേകിച്ച്  സിനിമ  താരങ്ങൾ. വൈവിധ്യമാർന്ന  ഭാഷയിലെയും  രൂപ സാദൃശ്യത്തിലും വന്ന് ലോകമെമ്പാടുമുള്ള  കാണികളെ  രണ്ട് മണിക്കൂറുകളോളം  വന്നു  രസിപ്പിക്കുന്നതുകൊണ്ട്  തന്നെ  ആളുകൾ  ഇവരുടെ  വാർത്തകൾ  പൊതുവേ കേൾക്കാൻ  ഇഷ്ടപ്പെടുന്ന  ഒന്നുതന്നെയാണ് . അതുകൊണ്ട്  തന്നെ  നിമിഷ  നേരം  കൊണ്ടാണ്   ഇവരുടെ  വാർത്തകൾ വൈറലാവുന്നത്.  ഇതിൽ  പ്രധാനമായും  വൈറലാവുന്നത്  താര  വിവാഹങ്ങളാണ് . എന്നും  എപ്പോഴും താരവിവാഹങ്ങള്‍ ആരാധകര്‍ ആഘോഷമാക്കി മാറ്റാറുണ്ട്. പ്രണയിച്ച് വിവാഹിതരായവര്‍ ആണെങ്കിൽ  പിന്നെ  പറയുകയേ  വേണ്ട  . കൊട്ടിഘോഷിക്കുകയാണ്  പതിവ് . അതുപോലെ  തന്നെ പ്രണയിച്ച് വിവാഹിതരായവര്‍ അധികം വൈകാതെ തന്നെ വഴിപിരിയുന്നതും സ്ഥിരം സംഭവമാണ്  ഇവിടങ്ങളിൽ . 

ഇതായിപ്പോൾ  വീണ്ടും  ഒരു  വിവാഹമോചന  വാർത്തകൂടി . അതും  ഹോളിവുഡിൽ  നിന്ന് .  പ്രഹോളിവുഡിലെ  പ്രശസ്ത  നടനും ഫിലിം മേക്കറുമാണ്  നിക്കോളാസ്  കേജ്‌.

വിവാഹം കഴിഞ്ഞ് നാല് ദിനം പിന്നിടുന്നതിനിടയിലാണ് നിക്കോളാസ് കേജ് വിവാഹമോചനം ആവശ്യപ്പെട്ട് കോടതിയെ സമീപിച്ചത്. നിക്കോളാസ്  കേജിന്റെ നാലാം  വിവാഹ മോചനമാണിത് .  വിവാഹം കഴിഞ്ഞ് നാല് ദിവസം പിന്നിടുന്നതിനിടയിലാണ്  വിവാഹമോചനം ആവശ്യപ്പെട്ട് നിക്കോളാസ് കേജ്‌ കോടതിയെ  സമീപിച്ചത് . ഈ  തീരുമാനം വന്‍വിവാദമായി മാറിയിരുന്നു.

 തന്റെ  കാമുകിയായ  മേക്കപ്പ് ആര്‍ടിസ്റ്റും മോഡലുമായ എറിക്ക കൊയാക്കയെ ആയിരുന്നു അദ്ദേഹം ജീവിതസഖിയാക്കിയത്. ഇതായിപ്പോൾ  വിവാഹം കഴിഞ്ഞ് 2 മാസം പിന്നിടുന്നതിനിടയിലാണ് ഇവര്‍ക്ക് കോടതി വിവാഹമോചനം അനുവദിച്ചത്.

മെയ് 31നാണ് കോടതി ഇവര്‍ക്ക് വിവാഹമോചനം അനുവദിച്ചതെന്ന വിവരമാണ് ഇപ്പോള്‍ പുറത്തുവന്നിരിക്കുന്നത് .  വിവാഹ ദിനത്തില്‍ത്തന്നെ ഇരുവരും വാക്ക് തര്‍ക്കത്തില്‍ ഏര്‍പ്പെട്ടിരുന്നുവെന്ന വിവരങ്ങളും പുറത്തുവന്നിരുന്നു. വീട്ടിലെ വഴക്ക് പൊതുസ്ഥലങ്ങളിലും ആവര്‍ത്തിച്ചതോടെയാണ് ഇരുവരും വഴിപിരിയുന്നതിലേക്ക് നയിച്ചത്.

എറിക്കയ്ക്ക് മറ്റൊരാളുമായി ബന്ധമുണ്ടായിരുന്നതായും  അത്  മറച്ചുവെച്ചുകൊണ്ടാണ്  തന്നെ  വിവാഹം 
 കഴിച്ചതെന്നും കേജ് കോടതിയില്‍ അറിയിച്ചത് .   ഇതിനുപുറമേ , എറിക്കയ്ക്ക് ക്രമിനില്‍ പശ്ചാത്തലമുണ്ടായിരുന്നതായും അദ്ദേഹം ആരോപിച്ചു .അതേസമയം , കേജില്‍ നിന്നും  ഒട്ടും ഇങ്ങനൊരു  പ്രവർത്തി  പ്രതീക്ഷിച്ചില്ലായിരുന്നുവെന്ന് എറിക്ക  പറഞ്ഞിരുന്നു .   അദ്ദേഹവുമായി പ്രണയത്തിലായതിന് ശേഷം തനിക്ക് നിരവധി അവസരങ്ങളാണ് നഷ്ടമായതെന്നും എറിക്ക വ്യക്തമാക്കിയിരുന്നു . 

കഴിഞ്ഞ ഏപ്രില്‍ മുതലാണ്  ഇരുവരും പ്രണയത്തിലായത് . 1995ല്‍, 31ാം വയസിലായിരുന്നു നിക്കോളാസിന്‍റെ ആദ്യ വിവാഹം. അമേരിക്കന്‍ നടിയായ പട്രീഷ്യ അഖ്വറ്റെയായിരുന്നു ആദ്യ ഭാര്യ. 2001ല്‍ പട്രീഷ്യയുമായുള്ള ബന്ധം വേര്‍പ്പെടുത്തിയ കേജ് 2002ല്‍ ഗായികയും ഗാനരചയിതാവുമായ ലിസ മേരിയെ വിവാഹം കഴിച്ചു. ഇവരുമായുള്ള ബന്ധം 2004 ല്‍ അവസാനിക്കുകയും ആ വര്‍ഷം തന്നെയായിരുന്നു ചലച്ചിത്ര താരം ആലിസ് കിമ്മിനെ വിവാഹം ചെയ്തതും. 2016ല്‍ ആ ബന്ധം വേര്‍പിരിഞ്ഞു.

ഓസ്കാര്‍, ഗോള്‍ഡന്‍ ഗ്ലോബ്, സ്ക്രീന്‍ ആക്ടര്‍സ് ഗില്‍ഡ് അവാര്‍ഡ് തുടങ്ങി നിരവധി പുരസ്കാരങ്ങള്‍ നേടിയിട്ടുള്ള താരമാണ് കേജ്.നടിയായ ക്രിസ്റ്റീന ഫുള്‍ടണുമായി 1988 മുതല്‍ ബന്ധം പുലര്‍ത്തിയിരുന്ന കേജിന് അവരില്‍ ഒരു മകനുണ്ട്.