നടൻ ബൈജു എഴുപുന്നയുടെ മകളുടെ വിവാഹനിശ്ചയ ചടങ്ങിൽ സർപ്രൈസ് എൻട്രിയുമായി മമ്മൂട്ടി

മലയാളസിനിമയിൽ വില്ലൻ വേഷങ്ങളിലൂടെയും സ്വഭാവവേഷങ്ങളിലൂടെയും ശ്രദ്ധേയനായ നടനാണ് ബൈജു എഴുപുന്ന. സംവിധായകൻകൂടിയായ ഇദ്ദേഹത്തിന്റെ മകൾ അനീറ്റയുടെ വിവാഹനിശ്ചയമായിരുന്നു കഴിഞ്ഞദിവസം. സ്റ്റെഫാൻ ആണ് വരൻ. ഈ ചടങ്ങിലേക്ക് സർപ്രൈസായി എത്തി ഏവരേയും അമ്പരപ്പിച്ചിരിക്കുകയാണ് മലയാളത്തിന്റെ മെ​ഗാതാരം മമ്മൂട്ടി.നിർമാതാവ് ആന്റോ ജോസഫിനൊപ്പം ചടങ്ങിനെത്തിയ മമ്മൂട്ടി വധൂവരന്മാരെ ആശീർവദിച്ചു. രമേശ് പിഷാരടി, ആന്റോ ജോസഫ്, ടിനി ടോം, ബാല, അബു സലിം, ലിസ്റ്റിൻ സ്റ്റീഫൻ, ഷീലു എബ്രഹാം തുടങ്ങി സിനിമാ രംഗത്തെ പ്രമുഖർ വിവാഹ നിശ്ചയത്തിന് അതിഥികളായി എത്തി.